ప్రస్తుతం 10 సినిమాల కన్నా ఎక్కువ చేయడం కష్టమైన ఈరోజుల్లో.. దాదాపు 13 సంవత్సరాలుగా సౌత్ సినిమాల్లో తన మార్క్ నటనతో అందరిని ఆకట్టుకుంటూ కెరియర్ లో సక్సెస్ ఫుల్ గా 50 సినిమాలను చేసింది త్రిష. ఎప్పుడు ట్రెండీగా ఉండే త్రిష తన ఒంటి మీద ట్యాటూలను వేయించుకోవడం కామనే. అయితే ఇప్పటికే ఆమె శరీరం మీద రెండు చోట్ల ట్యాటూలతో దర్శనమిస్తుంది.
అయితే చీకటి రాజ్యం సినిమాతో 50 సినిమాలను పూర్తి చేసుకున్న సందర్భంగా తన వీపు మీద క్లాప్ బోర్డ్ ట్యాటూ వేయించుకుంది త్రిష. సినిమా మీద ఉన్న అభిమానంతోనే తను ఇలా క్లాప్ బోర్డ్ ట్యాటూ వేయించుకున్నట్టు తెలిపింది. ‘మనసులోని ఇష్టమే శరీరం మీద కనిపించేందుకే’ ఈ ట్యాటూ వేయించుకున్నట్టుగా తన ట్విట్టర్లో మెసేజ్ పోస్ట్ చేసింది త్రిష.
లాస్ట్ ఇయర్ వరుణ్ మణియన్ తో నిశ్చితార్ధం దాకా వెళ్లి తర్వాత క్యాన్సిల్ చేసుకున్న అమ్మడు ఇప్పుడు పూర్తిగా సినిమాల మీద పూర్తి ఏకాగ్రత ఉంచింది. ప్రస్తుతం నాయని, అరణ్మయి-2 లో నటిస్తున్న త్రిష ఈ రెండు సినిమాల మీద ఎంతో నమ్మకంతో ఉంది.
