ఆమధ్య అందరి దృష్టిని ఆకర్షించిన అంశం… ఎన్టీఆర్ బయోపిక్. ఎన్టీఆర్ పాత్రలో బాలకృష్ణ కనిపించనుండడం, స్క్రిప్ట్ ని బాలయ్య దగ్గరుండి రాయించడం ఈ చిత్రం పై ఆసక్తి పెంచాయి. ఈ చిత్రంలో నిజాలు దాచే ప్రయత్నం చేస్తారని కొంతమంది ఎన్టీఆర్ అభిమానులు, చరిత్రకారులు ఆందోళన వ్యక్తం చేస్తున్న నేపథ్యంలో ఈ బయోపిక్ మరింత చర్చనీయాంశం అయ్యింది.
ఎప్పుడు ఈ బయోపిక్ పట్టాలు ఎక్కబోతోంది. గురువారం ఉదయం ఈ చిత్రానికి క్లాప్ కొడతారు. కొన్ని సన్నివేశాలు కూడా చిత్రీకరిస్తారు. అయితే ఇది టీజర్ కోసం జరిగే షూట్. జనవరి 18 ఎన్టీఆర్ జయంతి. ఈ సందర్భంగా టీజర్ విడుదల చేస్తారు. తేజ దర్శకత్వం వహించే ఈ చిత్రాన్ని వారాహి సంస్థ నిర్మించనుంది. మిగిలిన నటీనటులు, సాంకేతిక నిపుణుల వివరాలు త్వరలో ప్రకటిస్తారు
