https://www.youtube.com/watch?v=M_NG36xZHjQ&feature=youtu.be
కొత్త పాత తేడాల్లేవ్. ఎవరు సినిమా తీసినా బాగుంటే ప్రేక్షకులు ఆదరిస్తున్నారు. సిన్మాలు బాగోలేదంటే ఎంత పెద్ద స్టార్స్ అందులో వున్నా చూడడం లేదు. విషయం వుంటే థియేటర్లకు వెళ్లొచ్చనే ఆలోచనతో చిన్న సిన్మాల టీజర్లను, ట్రైలర్లను ప్రేక్షకులు ఆసక్తిగా చూస్తున్నారు. గతంలో ‘హైదరాబాద్ నవాబ్స్’, ‘నిన్న నేడు రేపు’, ‘కమీనా’ సినిమాలు తీసిన లక్ష్మీకాంత్ చెన్నా దర్శకత్వం వహించిన తాజా సినిమా ‘పరిచయం’. విరాట్ కొండూరు, సిమ్రత్ కౌర్ జంటగా నటించిన ఈ సినిమా టీజర్లో కాస్త విషయం వున్నట్టు కనిపిస్తుంది. స్టార్టింగులో విజువల్స్, మ్యూజిక్ ఎట్ట్రాక్ట్ చేశారు. మణిరత్నం సినిమా తరహాలో వున్నాయి. కాని తర్వాత వచ్చే డైలాగులు, హీరో డబ్బింగ్ కొంచెం డౌట్ కొడుతున్నాయి. హీరోయిన్ మరణిస్తుందని టీజర్లో చెప్పేశారు. చూస్తుంటే ఇదొక విషాద ప్రేమకథలా అనిపిస్తోంది.
