జీవిత క‌థ‌ల ప‌రంప‌ర‌లో మ‌రో సినిమా రెడీ అవుతోంది. అదే.. `యాత్ర‌`. వైఎస్ రాజ‌శేఖ‌ర్ రెడ్డి జీవితాన్ని ఆధారంగా తెర‌కెక్కిస్తున్న చిత్ర‌మిది. ఆ పాత్ర‌లో మ‌మ్ముట్టి క‌నిపించ‌నున్నారు. ‘ఆనందో బ్ర‌హ్మ‌’తో ఆక‌ట్టుకున్న మ‌హి వి రాఘ‌వ ఈ చిత్రానికి ద‌ర్శ‌కుడు. ఈనెల 9 నుంచి షూటింగ్ జ‌ర‌గ‌బోతోంది. ఈలోగా పోస్ట‌ర్ ఒక‌టి బ‌య‌ట‌కు వ‌చ్చింది. పాద ముద్ర రూపంలో టైటిల్‌ని డిజైన్ చేయ‌డం బాగుంది. ‘గ‌డ‌ప దాటి ప్ర‌తి గ‌డ‌ప‌లోకీ వ‌స్తున్నాను. మీతో క‌ల‌సి న‌డ‌వాల‌ని ఉంది, మీ గుండె చ‌ప్పుడు వినాల‌ని వుంది’ అంటూ ఓ స్లోగ‌న్ ఇచ్చారు. మ‌మ్ముట్టితో పాటు కొంత‌మంది స్టార్ హీరోలు, నాయిక‌లు ఈ సినిమాలో క‌నిపించ‌బోతున్నార్ట‌. జ‌గ‌న్ పాత్రలో ఓ యువ హీరో క‌నిపిస్తార‌ని ప్ర‌చారం జ‌రుగుతోంది. ఆ పాత్ర ఎవ‌రికి ద‌క్కుతుంద‌న్న‌ది ఆస‌క్తిగా మారింది. విజ‌య‌మ్మ పాత్ర కూడా క‌థ‌లో్ కీల‌క‌మే. చంద్ర‌బాబు, ష‌ర్మిల… ఈ పాత్ర‌ల కోసం కూడా న‌టీన‌టుల్ని అన్వేషిస్తున్నారు.