చిరంజీవి హీరోగా సురేందర్ రెడ్డి దర్శకత్వంలో రూపొందుతున్న హిస్టారికల్ వార్ డ్రామా ‘సైరా నరసింహా రెడ్డి’. ఆల్రెడీ షూటింగ్ మొదలైంది… మెయిన్ అండ్ ఇంపార్టెంట్ ఆర్టిస్టుల సెలెక్షన్ కూడా పూర్తయింది. ఇప్పుడు ఆడిషన్స్ ఏంటని అనుకుంటున్నారా? జూనియర్ ఆర్టిస్టుల కోసం ఆడిషన్స్ చేస్తున్నారు. త్వరలో ‘సైరా’ తాజా షెడ్యూల్ మొదలు కానుంది. ఈ షెడ్యూల్‌లో యుద్ధ సన్నివేశాలు చిత్రీకరించనున్నారు. యుద్ధమంటే భారీ సంఖ్యలో సైనికులు అవసరమవుతారు కదా! ఆ సైనికుల కోసం ఆడిషన్స్ నిర్వహిస్తున్నారు. ఆదివారం హైదరాబాద్‌లోని అన్నపూర్ణ సెవెన్ ఎకర్స్ వెనుక గల అన్నపూర్ణ ఫారెస్ట్‌లో ఈ సైనికుల సెలక్షన్ జరిగింది. వందల సంఖ్యలో జూనియర్ ఆర్టిస్టులు అవకాశం కోసం ప్రయత్నించారు. ఈ రోజు కూడా ఆడిషన్స్ నిర్వహిస్తారని సమాచారం. కొణిదెల ప్రొడక్షన్స్ పతాకంపై చిరంజీవి సతీమణి సురేఖ, తనయుడు రామ్ చరణ్ నిర్మిస్తున్న ఈ సినిమాలో నయనతార, తమన్నా కథానాయికలుగా నటిస్తున్నారు. హిందీ మెగాస్టార్ అమితాబ్ బచ్చన్ కీలక పాత్ర చేస్తున్న సంగతి తెలిసిందే.