సమంత సినిమాలో గూఢచారి నటిస్తున్నాడు. అయితే అతడిది అతిధి పాత్రే. గూఢచారి సీక్వెల్ పనులతో అడివి శేష్ బిజీ. సమంత, నందిని రెడ్డి అడగడంతో చిన్న పాత్రలో నటించడానికి సరే అన్నాడట. అతడిది చాలా కీలక పాత్ర అని తెలుస్తోంది. నాగార్జున, కార్తి హీరోలుగా నటించిన ఊపిరిలో కూడా అడవి శేష్ అతిధి పాత్ర చేశాడు. అందులో అనుష్కకు భర్తగా కనిపిస్తాడు. ఇప్పుడు సమంత సినిమా చేస్తున్నాడు. ఇందులో అతని పాత్ర ఎలా ఉంటుందో? నందినీరెడ్డి దర్శకత్వంలో సమంత ప్రధాన పాత్రలో నటిస్తున్న సినిమా ‘ఓ బేబీ’. కొరియన్ ఫిల్మ్ ‘మిస్ గ్రానీ’కి రీమేక్ ఇది. ప్రస్తుతం సినిమా చిత్రీకరణ శరవేగంగా సాగుతోంది. త్వరలో అడివి శేష్ పాత్ర చిత్రీకరణ పూర్తవుతుందట. సమంతకు అతడు స్నేహితుడు. గూఢచారి సినిమా ప్రెస్ మీట్ ఒకదానికి సమంత అతిథిగా వచ్చింది.
