ఫిబ్రవరి 22న `ఎన్టీఆర్ మహానాయకుడు` ప్రేక్షకుల ముందుకు వస్తుంది. ఇందులో మరో ఆలోచనకు తావు లేదు. ముందుగా ఈ చిత్రాన్ని ఫిబ్రవరి 7న విడుదల చేయాలనుకున్నారు. కానీ, `కథానాయకుడు` ఫలితాన్ని దృష్టిలో పెట్టుకుని `మహానాయకుడు`లో మార్పులు చేర్పులు చేయడం మొదలెట్టారు. దాంతో విడుదల తేదీ వెనక్కి వెళ్లింది. ఫిబ్రవరి 22 అన్నారు. ఓ వరం క్రితం ఫిబ్రవరి 22 నుంచి మార్చి 1కి సినిమా వాయిదా పడిందని ఫిలింనగర్‌లో పుకార్లు షికార్లు చేశాయి. క్రిష్ పుకార్లకు స్పందించకుండా సినిమా చిత్రీకరణ పూర్తిచేసే పనిలో నిమగ్నమయ్యాడు. శనివారంతో చిత్రీకరణ ముగిసింది. ఇప్పుడు తెలివిగా బసవతారం పాత్రలో నటించిన విద్యా బాలన్ చేత విడుదల తేదీ అనౌన్స్ చేయించారు. `మహానాయకుడు` ఈ నెల 22న విడుదలవుతుందని విద్యా బాలన్ ప్రకటించింది. ప్రస్తుతం నిర్మాణానంతర కార్యక్రమాల్లో క్రిష్ బృందం క్షణం తీరిక లేకుండా పని చేస్తోంది.