వ‌రుస ప‌రాజ‌యాలు ఎదురైనా… గోపీచంద్‌కి డిమాండ్ త‌గ్గ‌లేదు. ఆల్రెడీ తిరుతో ఓ సినిమా మొద‌లెట్టేశారు. ఈ సినిమాకి బ‌డ్జెట్ రూ.30 కోట్ల పైమాటే. ఇప్పుడు సంప‌త్‌నంది సినిమా కూడా మొద‌ల‌వ్వబోతోంద‌ని టాక్‌. గోపీచంద్ – సంప‌త్‌నంది కాంబోలో ఇది వ‌ర‌కు `గౌత‌మ్ నందా` వ‌చ్చింది. ఆసినిమా అంతంత‌మాత్రంగానే ఆడింది. అయినా స‌రే.. సంప‌త్‌పై న‌మ్మ‌కం ఉంచాడు గోపీచంద్. వీరిద్ద‌రి కాంబోలో ఓ సినిమా త్వ‌ర‌లోనే ప‌ట్టాలెక్క‌బోతోంది. `బెంగాల్ టైట‌ర్‌` నిర్మాత కె.కె.రాధామోహ‌న్ ఈ చిత్రాన్ని నిర్మించ‌నున్నారు. స్క్రిప్టు ప‌నులు ఓ కొలిక్కి వ‌చ్చాయి. ఏప్రిల్ లో చిత్రీక‌ర‌ణ మొద‌లెడ‌తారు. ఈ చిత్రానికి మిక్కీ జె.మేయ‌ర్ సంగీతం అందించ‌నున్నాడు. గోపీచంద్ సినిమాకి మిక్కీ పాట‌లు అందించ‌డం ఇదే తొలిసారి. ప్ర‌స్తుతం క‌థానాయిక కోసం అన్వేషిస్తున్నారు. త్వ‌ర‌లోనే ఈ చిత్రానికి సంబంధించి ఓ అధికారిక ప్ర‌క‌ట‌న విడుద‌ల చేయ‌డానికి చిత్ర‌బృందం రెడీ అవుతోంది.
గోపీచంద్ – సంప‌త్ నంది… ఈ కాంబో ఎప్పుడు..?
