అజ్ఞాతవాసి లో ‘గాలివాలుగా ఓ గులాబి బాలా’ అంటూ సాంగ్ చేసినపుడు తెలుగు ఆడియన్స్ అనిరుధ్ టాలెంట్ కు ఫిదా అయ్యారు. కానీ అజ్ఞాతవాసి తరువాత ఎన్టీఆర్ అంత సుముఖత వ్యక్తం చేయకపోవడంతో అరవింద సమేత సినిమా చేయలేదు. కానీ మళ్లీ నాని జెర్సీ సినిమా టేకప్ చేసాడు.
ఈ సినిమా ఫస్ట్ అడియో సాంగ్ బయటకు వదిలారు. ‘అదేంటో గానీ ఉన్నపాటుగా’ అంటూ’ సాగిన పాట అది. అయితే పాట ఇనుస్ట్రుమెంటేషన్ స్మూత్ గా వుంది. టేకాఫ్ డిఫరెంట్ గా అనిపించింది కానీ, పాట ముందుకు సాగిన కొద్దీ రోటీన్ అన్నట్లు అయిపోయింది. మళ్లీ అజ్ఞాతవాసి ట్యూన్ లే కాస్త డిఫరెంట్ గా పాలిష్ చేసి, అందించినట్లు కనిపిస్తోంది.
అయితే కెకె సాహిత్యం మాత్రం మాంచి పొయిటిక్ గా వుండి పాటకు అందం తీసుకువచ్చింది. సాహిత్యంలో మాంచి మెరుపులు వినిపించాయి. సినిమా పాటల్లో ఇలాంటివి అరుదుగా వస్తుంటాయి. ఆ విధంగా మాత్రం పాటకు మంచి మార్కులు పడతాయి. కానీ అనిరుధ్ ఇచ్చిన ట్యూన్ వింటే మాత్రం, మనవాడు తెలుగుకు అంత సూట్ అవ్వడేమో అన్న అనుమానం తప్పదు.
