విజయ్ దేవ‌ర‌కొండ సినిమా అంటేనే.. హాట్ ముద్దులు ఉండాలేమో. అర్జున్ రెడ్డిలో విజయ్ పెట్టిన ముద్దుల‌కైతే లెక్కే లేదు. గీత గోవిందంలో ర‌ష్మిక‌తో ఓ పెద‌వెంగిలి స‌న్నివేశంలో జీవించాడు విజయ్. టాక్సీవాలా, నోటాలోనూ.. ముద్దులు త‌గ్గ‌లేదు. ఇప్పుడు ‘డియ‌ర్ కామ్రేడ్‌’లోనూ కావ‌ల్సిన‌న్ని ముద్దులున్నాయ‌ట. ఓ విధంగా చెప్పాలంటే… ‘అర్జున్ రెడ్డి’ని గుర్తు తెచ్చేలా ఆ స‌న్నివేశాలు సాగ‌బోతున్నాయ‌ట.
విజయ్ దేవ‌ర‌కొండ, ర‌ష్మిక జంట‌గా న‌టిస్తున్న సినిమా ఇది. ఇందులో విజయ్ స్టూడెంట్ లీడ‌ర్‌గా క‌నిపించ‌నున్నాడు. సినిమా అంతా కాలేజీ నేప‌థ్యంలోనే సాగుతుంది. విద్యార్థుల అల్ల‌ర్లు, వాళ్ల‌మ‌ధ్య ప్రేమ‌లో, సంఘ‌ర్ష‌ణ.. ఇవ‌న్నీ తెర‌పై చూపించ‌బోతున్నారు. కాలేజీ ప్రేమ‌లంటే.. ముద్దులు మామూలే క‌దా? అందుకే కామ్రేడ్‌లో హాట్ కిస్సుల‌కు కావ‌ల్సినంత స్కోప్ దొరికింది. ఇలాంటి స‌న్నివేశాల్లో రాణించిన అనుభ‌వం విజయ్ దేవ‌ర‌కొండ‌కు బోలెడంత ఉంది. మ‌రి.. ర‌ష్మిక ఎలా రెచ్చిపోయిందో చూడాలి.
