మురుగ‌దాస్ ద‌గ్గ‌ర మార్కులు కొట్టేయ‌డం అంత సుల‌భం కాదు. ఆయ‌న సినిమాల్లో క‌థానాయిక‌ల్ని రిపీట్ చేయ‌డం చాలా అరుదైన విష‌యం. అయితే.. కీర్తి సురేష్ ఏం మంత్రం వేసిందో.. వ‌రుస‌గా రెండో ఛాన్స్ కొట్టేసింది. మురుగ‌దాస్ – విజ‌య్‌ల కాంబినేష‌న్‌లో వ‌చ్చిన `సర్కార్`లో క‌థానాయిక‌గా న‌టించింది కీర్తి సురేష్. ఇప్పుడు మ‌రోసారి మురుగ‌దాస్ సినిమాలో క‌థానాయిక‌గా ఎంపికైంది. ర‌జ‌నీకాంత్ క‌థానాయ‌కుడిగా మురుగ‌దాస్ ద‌ర్శ‌క‌త్వంలో ఓ చిత్రం తెర‌కెక్క‌నుంది. రాజ‌కీయ నేప‌థ్యంలో సాగే చిత్ర‌మిది. ఇందులో ఓ నాయిక‌గా న‌య‌న‌తార‌ని ఎంచుకున్న‌ట్టు స‌మాచారం. మ‌రో నాయిక పాత్ర కీర్తికి ద‌క్కింద‌ట. ర‌జనీతో న‌య‌న‌తార క‌ల‌సి న‌టించ‌డం ఇది మూడోసారి. చంద్ర‌ముఖి, క‌థానాయ‌కుడు చిత్రాల‌లో వీరిద్ద‌రూ జోడీ క‌ట్టారు. మురుగ‌దాస్ సినిమాలో న‌య‌న క‌నిపించ‌డం ఇది రెండోసారి. ఇది వ‌ర‌కు గ‌జ‌నిలో ఓ కీల‌క‌పాత్ర పోషించింది న‌య‌న. ఈసారి మాత్రం పూర్తి స్థాయి క‌థానాయిక‌గా క‌నిపించ‌బోతోంది.
‘సూప‌ర్’ ఛాన్స్ కొట్టేసిన కీర్తి సురేష్ ?
