తొలి సినిమా ‘నీదీ నాదీ ఒకే క‌థ‌’తో ఆక‌ట్టుకున్నాడు వేణు ఉడుగుల‌. ఇప్పుడు రానాతో ఓ సినిమా చేస్తున్నాడు. ఈ చిత్రానికి ‘విరాఠ ప‌ర్వం’ అనే పేరు ప‌రిశీల‌న‌లో ఉంది. ఎమ‌ర్జెన్సీ కాలం నాటి క‌థ ఇది. ఇందులో రానా న‌క్స‌లైట్ గా క‌నిపించ‌బోతున్నాడు. ఈ స‌మాజంపై, ప్ర‌భుత్వ విధానాల‌పై, పెత్తందారీ వ్య‌వ‌స్థ‌పై తిరుగుబాటు చేసి – తానొక్క‌డే ఏం సాధించ‌లేక‌పోవ‌డంతో న‌క్స‌లైట్‌గా మారిపోయే యువ‌కుడిగా ఆయ‌న పాత్ర క‌నిపిచ‌బోతోంద‌ని స‌మాచారం. ఇదో పొలిటిక‌ల్ డ్రామా.. అయితే వాటి మ‌ధ్య ఓ అంద‌మైన ప్రేమ‌కథ‌ని మేళ‌వించిన‌ట్టు తెలుస్తోంది. మాన‌వ హ‌క్కులు, నైతిక విలువ‌లు, ప్ర‌భుత్వ విధానాల‌పై ఓ విమ‌ర్శ‌నాస్త్రం సంధించ‌బోతున్న‌ట్టు స‌మాచారం అందుతోంది. ట‌బు ఓ కీల‌క పాత్ర‌లో క‌నిపించ‌బోతోంది. ఆమె.. మాన‌వ హ‌క్కుల నేత‌గా న‌టించ‌బోతోంద‌ని టాక్‌. మొత్తానికి చాలా పెద్ద స్పాన్ ఉన్న క‌థ‌ని వేణు ఉడుగుల ఎంచుకున్నాడనిపిస్తోంది. సాయి ప‌ల్ల‌వి క‌థానాయిక‌గా న‌టిస్తున్న ఈ చిత్రం మే, జూన్‌ల‌లో సెట్స్‌పైకి వెళ్ల‌బోతోంది.