నాగార్జున క‌థానాయ‌కుడిగా న‌టిస్తున్న చిత్రం ‘మ‌న్మ‌థుడు 2’. ఇప్ప‌టికే ఈ సినిమాలో ర‌కుల్ ప్రీత్ సింగ్ క‌థానాయిక‌గా న‌టిస్తోంది. స‌మంత కూడా ఓ కీల‌క పాత్ర‌లో క‌నిపించ‌నుంది. వీరిద్ద‌రూ కాకుండా ఈ క‌థ‌లో మ‌రో క‌థానాయిక‌కీ చోటుంది. ఆ పాత్ర కి త‌గిన క‌థానాయిక కోసం ప్ర‌స్తుతం అన్వేష‌ణ జ‌రుగుతోంది. మూడో క‌థానాయిక‌గా కీర్తి సురేష్ పేరు ప్ర‌ముఖంగా వినిపిస్తోంది. ఈ విష‌య‌మై చిత్ర‌బృందాన్ని ఆరా తీస్తే…
“ మా సినిమాలో మ‌రో క‌థానాయిక అవ‌స‌ర‌మే. ఆ పాత్ర కోసం చాలా ఆప్ష‌న్స్ ఉన్నాయి. అందులో కీర్తి ఒక‌రు. త‌న డేట్లు సర్దుబాటు అయితే.. త‌ప్ప‌కుండా ఈ సినిమాలో న‌టిస్తోంది. మేం కీర్తిని సంప్ర‌దించాం. అయితే.. ఇంకా ఆమె నుంచి స్పంద‌న రాలేదు“ అంటోంది. అంటే… మ‌న్మ‌థుడులో కీర్తి న‌టించే అవ‌కాశాలు పుష్క‌లంగా ఉన్నాయ‌న్న‌మాట. అయితే కీర్తి కాల్షీట్లు ఖాళీగా లేవు. ఇటు తెలుగు, అటు త‌మిళం సినిమాల‌తో బిజీగా ఉంది. నాగ్ కోసం కాల్షీట్లు సర్దుబాటు చేసుకుంటుందా? లేదా? అనేది చూడాలి. మ‌రో విష‌యం ఏమిటంటే… కీర్తి పాత్రకు స్క్రీన్ ప్రెజెన్స్ చాలా త‌క్కువ‌ట. మ‌రి… ఇంత బిజీ షెడ్యూల్‌లో అంత చిన్న పాత్రకు స‌మ‌యం కేటాయిస్తుందా? లేదా? అనేదీ అనుమాన‌మే.
