‘ఢీ’… మంచు విష్ఱుకి తొలి నికార్స‌యిన విజ‌యం ఇచ్చిన సినిమా. ఈ ఫార్ములా ప‌ట్టుకుని శ్రీ‌నువైట్ల చాలా హిట్లు కొట్టాడు. ఆయ‌న్ని చాలామంది ద‌ర్శ‌కులు ఫాలో అయ్యారు. అయితే ఢీ త‌ర‌వాత విష్ణు, శ్రీ‌నువైట్ల క‌లిసి సినిమా చేయ‌లేదు. కొంత‌కాలంగా `ఢీ 2` చేస్తార‌ని వార్త‌లు వినిపించాయి. అయితే.. దానిపై కూడా స్ప‌ష్ట‌త లేదు. అయితే… ఇప్పుడు మాత్రం ‘ఢీ’ సీక్వెల్‌పై సీరియ‌స్‌గా క‌స‌రత్తులు మొద‌లెట్టార‌ని టాక్‌. ఈ సినిమాకి ‘డీ అండ్ డీ’ అనే పేరు పెట్టార‌ని తెలుస్తోంది. ‘డేరింగ్ అండ్ డాషింగ్‌’ అన్న‌ది క్యాప్ష‌న్‌. ప్ర‌స్తుతం స్క్రిప్టు వ‌ర్క్ జ‌రుగుతోంది. విష్ణు ‘మోస‌గాళ్లు’ అనే చిత్రంలో న‌టిస్తున్నారు. అది పూర్త‌వ‌గానే ఈసినిమా ప‌ట్టాలెక్కుతుంది.