https://www.youtube.com/watch?v=F8awPo7DiOA

హీరోల్నీ, రాజ‌కీయ నాయ‌కుల పేర్ల‌నీ వాడేసుకోవ‌డం సినిమా వాళ్ల‌కు కొత్తేం కాదు. అయితే మంచు విష్ణు ఏకంగా ఏడు అడుగులు ముందుకేసి – అమెరికా అధ్య‌క్షుడు డొనాల్డ్ ట్రంప్‌నే వాడేశాడు. విష్ణు తాజా చిత్రం `మోస‌గాళ్లు`. కాజ‌ల్ ప్ర‌ధాన పాత్ర‌ధారి. ఈ సినిమాకి సంబంధించిన టీజ‌ర్ విడుద‌లైంది. టీజ‌ర్ 30 సెక‌న్లుంటే.. అందులో డొనాల్డ్ ట్రంపే 15 సెక‌న్ల పాటు క‌నిపిస్తాడు. ట్రంప్ ఇచ్చిన ఓ స్పీచ్‌లోకి కొంత భాగంతో.. ఈ టీజ‌ర్ మొద‌లైంది. `ఆట ఇప్పుడే క‌దా మొద‌లైంది` అనే విష్ణు డైలాగ్ తో టీజ‌ర్ పూర్తవుతుంది. ప్ర‌పంచంలోనే అతి పెద్ద ఐటీ స్కామ్ నేప‌థ్యంలో సాగే సినిమా ఇది. ఐటీ అంటే.. అమెరికానే గుర్తొస్తుంది. కాబ‌ట్టి – డొనాల్డ్ ట్రంప్ ని వాడుకున్నారు. అస‌లు ట్రంప్‌కీ ఈ క‌థ‌కీ ఉన్న సంబంధం ఏమిటో తెలియాలంటే సినిమా రావాల్సిందే. సునీల్ శెట్టి, న‌వ‌దీప్‌, న‌వీన్ చంద్ర – ఇలా పాడింగ్ బ‌లంగానే ఉంది. మ‌రి చాలా కాలం నుంచి హిట్ కోసం ప‌రిత‌పించిపోతున్న విష్ణుకి `మోస‌గాళ్ల‌`యినా మోసం చేయ‌కుండా ఓ మంచి విజ‌యాన్ని క‌ట్టిబెడుతుందేమో చూడాలి.