థియేట‌ర్లు లేని లోటు కొంత వ‌ర‌కూ ఓటీటీలు తీర్చాయి. చిన్నా చిత‌కా సినిమాల‌తో పాటు… వి, నిశ్శ‌బ్దం, పెంగ్విన్‌ లాంటి సినిమాల్ని ఓటీటీలోనే చూడ‌గ‌లిగాం. వాటి ఫ‌లితాలు ఎలా ఉన్నా – సినిమాల‌కు మ‌రీ దూర‌మైపోయామ‌న్న బెంగ‌ని ఓటీటీ వేదిక‌లు త‌గ్గించాయి. ఈ నెల‌లో ఓటీటీ వేదిక ద్వారా మ‌రిన్ని సినిమాలు చూసే అవ‌కాశం ద‌క్కుతోంది. వివిధ ఓటీటీ వేదిక‌ల ద్వారా 7 తెలుగు సినిమాలు విడుద‌ల అవుతోతున్నాయి.

న‌వంబ‌రు 4న మిస్ ఇండియా రాబోతోంది. నెట్ ఫ్లిక్స్‌లో ఈ సినిమా స్ట్రీమింగ్ కానుంది. కీర్తి సురేష్ న‌టించిన సినిమా ఇది. ప్ర‌చార చిత్రాలు `మిస్ ఇండియా`పై ఆస‌క్తి ని పెంచుతున్నాయి. సూర్య న‌టించిన `ఆకాశం నీ హ‌ద్దురా` సినిమాపై కూడా చాలా ఆశ‌లే ఉన్నాయి. సుధా కొంగ‌ర ద‌ర్శ‌క‌త్వం వ‌హించిన చిత్ర‌మిది. న‌వంబ‌రు 12న ఈ చిత్రాన్ని అమేజాన్ లో చూడొచ్చు. ఆనంద్ దేవ‌ర‌కొండ న‌టించిన `మిడిల్ క్లాస్ మెలోడీస్‌` ఈనెల 20న విడుద‌ల అవుతోంది. `గ‌తం` అనే చిన్న సినిమాని అమేజాన్ లో న‌వంబ‌రు 6 నుంచి చూడొచ్చు. (ఆహా), మా వింత గాధ వినుమా (ఆహా), అన‌గ‌న‌గా అతిథి (ఆహా) రెండూ… న‌వంబ‌రు 13న రాబోతున్నాయి. ఇవి కాకుండా ఇత‌ర భాషా చిత్రాలు మ‌రో ప‌ది వ‌ర‌కూ ఈ నెల‌లోనే విడుద‌ల కాబోతున్నాయి.