ఇప్ప‌టికే సంక్రాంతి బెర్తులు నిండిపోయాయి. ఆర్‌.ఆర్‌.ఆర్ ఒక‌వైపు… రాధే శ్యామ్ మ‌రో వైపు ఉన్నాయి. భీమ్లా నాయ‌క్‌, స‌ర్కారు వారి పాట సినిమాలు సైతం ఇప్ప‌టికైతే సంక్రాంతికే వ‌స్తున్నాయి. మ‌రో వైపు బంగార్రాజు కూడా `నేను సైతం` అంటున్నాడు. వీట‌న్నింటి మ‌ధ్య మ‌రో సినిమాకి చోటే లేదు. భీమ్లా నాయ‌క్‌, స‌ర్కారు వారి పాట‌.. రేసు నుంచి త‌ప్పుకున్నా – మూడు సినిమాల‌తో బాక్సాఫీసు ర‌ష్ గా మారిపోతుంది. అయితే ఇప్పుడు మ‌రో హీరో కూడా సంక్రాంతి బ‌రిలో దిగ‌డానికి రెడీ అయిపోయాడు. త‌నే రాజ‌శేఖ‌ర్‌. త‌న `శేఖ‌ర్‌` సినిమాని ఈ పండ‌క్కి విడుద‌ల చేయాల‌ని ఫిక్స‌య్యాడ‌ట‌.

ఇది వ‌ర‌కైతే రాజ‌శేఖ‌ర్ ని కాస్త లైట్ తీసుకునే అవ‌కాశం ఉండేది. అయితే గ‌రుడ వేగ‌తో త‌న లో స్టామినా త‌గ్గ‌లేద‌ని నిరూపించాడు రాజ‌శేఖ‌ర్‌. ఆ త‌ర‌వాత క‌ల్కికి కూడా మంచి ఓపెనింగ్స్ వ‌చ్చాయి. దాంతో శేఖ‌ర్ పై మంచి అంచ‌నాలు ఏర్ప‌డ్డాయి. ఇందులో రాజ‌శేఖ‌ర్ గెట‌ప్ కొత్త‌గా అనిపిస్తోంది. తొలిసారి వ‌య‌సుకి త‌గ్గ పాత్ర పోషిస్తున్నారాయ‌న‌. ఇదో థ్రిల్ల‌ర్ కాబ‌ట్టి – ఆ జోన‌ర్ కి ఎప్పుడూ డిమాండ్ ఉంటుంది కాబ‌ట్టి, శేఖ‌ర్ పై ఆశ‌లు పెట్టుకోవ‌చ్చు. కాక‌పోతే… సంక్రాంతి సీజ‌న్ లో రావ‌డం కొంత రిస్కే. ఇన్ని సినిమాల మధ్య రాజ‌శేఖ‌ర్ త‌న స్టామినాని చూపించాలంటే అద్భుతం సృష్టించాల్సిందే.