టాలీవుడ్ లో ది బెస్ట్ డాన్స‌ర్లంటే.. ఎన్టీఆర్‌, చ‌ర‌ణ్‌ల పేర్లు చెప్ప‌కుండా ఉండ‌లేం. టాప్ 1 స్థానానికి వీరిద్ద‌రి మ‌ధ్యా గ‌ట్టి పోటీ ఉంది. ఎన్టీఆర్ స్టెప్పుల్లో మాస్ ఉంటుంది. చ‌ర‌ణ్ లో గ్రేస్ ఉంటుంది. ఎవ‌రు డాన్స్‌వేసినా.. చూడ్డానికి రెండు క‌ళ్లూ చాల‌వు. అలాంటిది.. ఇద్ద‌రూ ఒకే సారి.. ప‌క్క ప‌క్క‌న చేరి పాదం క‌దిపితే…? ఇక చెప్పేదేముంది? ఆర్‌.ఆర్‌.ఆర్‌లో ఈ డాన్సింగ్ స్టార్స్ ని ప‌క్క ప‌క్క‌నే చూడ‌బోతున్నాం. ఈ సినిమాలోని రెండో పాట‌ని ఈనెల 10న విడుద‌ల చేయ‌బోతోంది చిత్ర‌బృందం. ఇదో డాన్స్ నెంబ‌ర్‌. కోమ‌రం భీమ్‌, అల్లూరి సీతారామ‌రాజు పోటా పోటీగా స్పెప్పులు వేయ‌బోతున్నారిక్క‌డ‌. దానికి సంబంధించిన స్టిల్ కూడా చిత్ర‌బృందం విడుద‌ల చేసింది. `నాటు నాటు` అంటూ సాగే ఈ పాట‌లో… ఇద్ద‌రు హీరోలూ.. నాటు స్టెప్పులు వేయ‌బోతున్నార‌ని స్టిల్ చూస్తే అర్థ‌మైపోతోంది. నిజానికి ఎన్టీఆర్ – చ‌ర‌ణ్ ఇందులో నువ్వా? నేనా? అనే త‌ర‌హా పాత్ర‌లు పోషిస్తున్నారు. వాళ్ల మ‌ధ్య వైరాన్ని చూపించే షాట్స్ ఇంత వ‌ర‌కూ టీజ‌ర్లో క‌నిపించాయి. ఇద్ద‌రి మ‌ధ్యా దోస్తీ చూపించే గీతం ఇది. మ‌రి డాన్సింగ్ లో మేటి అనిపించుకుంటున్న వీరిద్ద‌రూ క‌లిసి క‌దం క‌దిపితే.. బాక్సాఫీసు బ‌ద్ద‌లు కాకుండా ఎలా ఉంటుంది? ఆ డాన్స్ ఫీస్ట్ చూడాలంటే ఇంకొన్ని రోజులు ఆగాలి.

#RRRSecondSingleUpdate for you all.. 🤟🏻

Blasting beats.. A High Voltage Dance number, on Nov 10th. 🕺🕺#NaatuNaatu #NaachoNaacho #NaattuKoothu #HalliNaatu #Karinthol💥💥@ssrajamouli @tarak9999 @AlwaysRamCharan @mmkeeravaani @ajaydevgn @aliaa08 @RRRMovie @DVVMovies #RRRMovie pic.twitter.com/aZLKhzutlJ

— RRR Movie (@RRRMovie) November 5, 2021