సినిమా క‌థ – ఓటీటీ క‌థ అంటూ రెండు వ‌ర్గాలు త‌యారైపోయాయిప్పుడు. సినిమాకి స‌రిప‌డ‌ని క‌థ‌ల‌న్నీ ఓటీటీకి వెళ్తున్నాయి. కొంత‌మంది హీరోలు కేవ‌లం ఓటీటీకి స‌రిప‌డ క‌థ కోసం అన్వేషిస్తున్నారు. ఆ జాబితాలో ఇప్పుడు నితిన్ చేరిపోయాడు. నితిన్‌కి అర్జెంటుగా ఓటీటీకి స‌రిప‌డ క‌థ కావాల‌ట. అందుకోసం ద‌ర్శ‌కుల్ని అడుగుతున్నాడ‌ని స‌మాచారం.
నితిన్ `మాస్ట్రో` సినిమా ఓటీటీ కోస‌మే త‌యారైంది. ఆ సినిమాకి నితినే నిర్మాత. మాస్ట్రో ఫ‌లితం ఎలా ఉన్నా… నితిన్ కి భారీ లాభాల్ని తీసుకొచ్చి పెట్టింది. ఏకంగా రూ.15 కోట్ల టేబుల్ ప్రాఫిట్ సంపాదించింది. ఓటీటీకి సినిమా తీసి ఇవ్వ‌డంలో ఉన్న‌సౌల‌భ్యాలు నితిన్ కి బాగా అర్థ‌మ‌య్యాయి. అందుకే ఓ సింపుల్ క‌థ, త‌క్కువ రోజుల్లో పూర్త‌య్యే సినిమా కోసం అన్వేషిస్తున్నాడ‌ని స‌మాచారం. ప్ర‌స్తుతం నితిన్ `మాచ‌ర్ల నియోజ‌క‌వ‌ర్గం` అనేసినిమాలో న‌టిస్తున్నాడు. ఆ వెంట‌నే ఓటీటీ ప్రాజెక్ట్ ఒక‌టి సెట్ అయ్యేఅవ‌కాశాలున్నాయి.
