సినీ నటిగానే కెరీర్ మొదలుపెట్టినా జబర్దస్త్ షోతో పాపులర్ అయ్యింది రష్మి. యూత్ లో మంచి క్రేజ్ సంపాయించుకుంది. అప్పుడప్పుడు వెండితెరపై కూడా మెరుస్తుంటుంది. గుంటూరు టాకీస్ లో సువర్ణగా నటించిన హాట్ ఇమేజ్ ని తెచ్చుకుంది. తర్వాత ఆమె నుంచి పెద్దగా సినిమాలు రాలేదు. అయితే ఇప్పుడు మెగా ఆఫర్ ని సొంతం చేసుకుంది రష్మి. అవును.. మెగాస్టార్ చిరంజీవి సినిమాలో కనిపించే అవకాశం ఆమెకు దక్కింది.
చిరు- మెహర్ రమేష్ కలయికలో తెరకెక్కుతున్న సినిమా భోళా శంకర్. తమిళ సినిమా వేదాలంకి రీమేక్ ఇది. మొన్ననే పూజ కార్యక్రమాలు జరిగాయి. ప్రస్తుతం షూటింగ్ జరుగుతుంది. ఓ యాక్షన్ సీక్వెన్స్ తో షూటింగ్ మొదలుపెట్టారు. త్వరలోనే ఓ పాటని చిత్రీకరించనున్నారు. ఈ పాటలో కనిపించనుంది రష్మి. ఇఏ పాటలోనే మరో హీరోయిన్ కూడా అవకాశం వుంది. ఆమె ఎవరు అనేది త్వరలోనే తెలుస్తుంది. మొత్తానికి రష్మి కెరీర్ మెగా మూవీ పడింది. ఈ చిత్రానికి మహతీ స్వర సాగర్ బాణీలు సమకూరుస్తున్నారు.
