టాలీవుడ్‌లో శిల్పా చౌద‌రి ప్ర‌కంప‌న‌లు సృష్టించేసింది. చాలా మంది సెల‌బ్రెటీల‌కు కోట్ల‌కు కోట్లు టోక‌రా వేసింది. వాళ్ల పేర్లు ఒకొక్క‌టిగా బ‌య‌ట‌కు వ‌స్తున్నాయి. శిల్పా చౌద‌రి వ‌ల్ల మోస‌పోయిన వాళ్ల జాబితాలో మ‌రో హీరో కూడా చేరాడు. త‌నే.. హ‌ర్ష్ కానుమ‌ల్లి. ఈ సినిమాకి శిల్పా చౌద‌రి నిర్మాత. అయితే త‌ను ఒక్క పైసా కూడా పెట్ట‌లేదు. వెనుక నుంచి ఓ పేరున్న రాజ‌కీయ నాయ‌కుడు పెట్టుబ‌డి పెడితే.. శిల్పా బినామీగా వ్య‌వ‌హ‌రించింది. ఈ సినిమాతో హ‌ర్ష్ తో స్నేహం చేసుకుంది. స్థ‌లాల పేరు చెప్పి కొంత, అప్పుగా కొంత ఇలా… రూ.3 కోట్ల వ‌ర‌కూ ముంచేసింది. ఇప్పుడు ఆ మూడు కోట్లూ గ‌ట్లంతైన‌ట్టే. శిల్పా చేతిలో మోస‌పోయిన వారిలో ఓ టాలీవుడ్ అగ్ర హీరో కూడా ఉన్నాడ‌ని టాక్‌. ఆయ‌న, శిల్పా క‌లిసి ఉన్న కొన్ని ఫొటోలు సోష‌ల్ మీడియాలో వైర‌ల్ అవుతున్నాయి. అయితే ఒక్క‌రూ మీడియా ముందుకు రాలేదు. తెర వెనుక నుంచే త‌మ డ‌బ్బుల్ని వెన‌క్కి రాబ‌ట్టుకోవ‌డానికి ప్ర‌య‌త్నాలు ముమ్మరం చేశార‌న్న‌ది ఇన్ సైడ్ వ‌ర్గాల టాక్‌.
యువ హీరోకి రూ.3 కోట్ల టోక‌రా
