విడుదలకు సిద్దమౌతున్న టాప్ పాన్ ఇండియా సినిమాల్లో ప్రభాస్ రాధే శ్యామ్ కూడా ఒకటి. ప్రస్తుతం సినిమా పోస్ట్ ప్రొడక్షన్ లో వుంది. పోస్ట్ ప్రొడక్షన్ లేటెస్ట్ అప్డేట్ ఏమిటంటే.. ఇప్పుడీ సినిమాలో తమన్ చేరాడు. రాధే శ్యామ్ కి దాదాపు ఐదుగురు సంగీత దర్శకులు పని చేస్తున్నారు. తెలుగు వెర్షన్ పాటలని జస్టిన్ ప్రభాకరన్ కంపోజ్ చేస్తున్నారు. హిందీ వెర్షన్ కి వస్తే.. మిథున్, ఆమాల్ మాలిక్, అర్జిత్ సింగ్, మాన్ భరద్వాజ్. అయితే ఇప్పుడు ఈ సినిమాలో తమన్ కూడా చేరాడు. ఈ సినిమాకి నేపధ్య సంగీతం అందిస్తున్నాడు తమన్. దాదాపు అన్నీ వెర్షన్లకు తమన్ నేపధ్య సంగీతం చేయనున్నాడు.
ప్రస్తుతం తమన్ ఫుల్ జోష్ లో వున్నాడు. ఆయన నుంచి వస్తున్న పాటలు చార్ట్ బస్టర్ గా నిలుస్తున్నాయి. దాదాపు పాటలన్నీ ట్రెండ్ సెట్టర్లుగా మారుమ్రోగుతున్నాయి. ఇక నేపధ్య సంగీతంలో అయితే సరికొత్త సౌండింగ్ తో దూసుకుపోతున్నాడు. ప్రస్తుతం థియేటర్ లో సందడి చేస్తున్న అఖండ సినిమాలో నేపధ్య సంగీతం గురించి స్పెషల్ గా చెప్పాల్సిన పని లేదు. థియేటర్ లో ఎలివేషన్లు పేలాయి అంటే దానికి ముఖ్య కారణం తమన్ సమకూర్చిన నేపధ్య సంగీతం.
ఇక విడుదలకు సిద్దమౌతున్న బీమ్లా నాయక్ ఆడియో కూడా అదరగొట్టేశాడు తమన్. ఇప్పుడు సూపర్ ఫామ్ లో వున్న తమన్ ని రాధే శ్యామ్ నిర్మాతలు నేపధ్య సంగీతం కోసం సంప్రదించడం, ఓకే చేయడం జరిగింది. త్వరలోనే రాధే శ్యామ్ వర్క్ స్టార్ట్ చేయనున్నాడు తమన్. దాదాపు బడా హీరోలందరితోనూ వర్క్ చేశాడు తమన్. ప్రభాస్ తో మాత్రం ఇప్పటివరకూ ఇంకా కుదరలేదు. ఇప్పుడు రాధే శ్యామ్ ఆ ఛాన్స్ వచ్చింది. రాధే శ్యామ్ నేపధ్య సంగీతంకు మంచి రెస్పాన్స్ వస్తే.. ప్రభాస్ పూర్తి సినిమా తమన్ ఖాతాలో పడటానికి పెద్ద సమయం పట్టదనే చెప్పాలి
