సూపర్ స్టార్ మహేష్ బ్రహ్మోత్సవం తర్వాత నటించే సినిమాకు హీరోయిన్ గా కీర్తి కన్ఫాం అనేస్తున్నారు. నేను శైలజ అంటూ ఎన్నాళ్ల నుండో హిట్ కోసం తపించిపోతున్న రామ్ ఖాతాలో హిట్ పడేలా చేసింది ఈ మలయాళ సుందరి. అయితే మహేష్ తో చాన్స్ అందుకోవడంలో తనని ఇలియానాతో పోల్చాల్సి వస్తుంది ఈ అమ్మడిని. అసలు ఇలియానాతో కీర్తి సురేష్ కి పోలిక ఏంటి అంటే ఈ వివరాల్లోకి వెళ్లాల్సిందే..

రామ్ ఎంట్రీ సినిమా దేవదాస్.. వై.వి.ఎస్ చౌదరి దర్శకత్వంలో వచ్చిన ఈ సినిమా సూపర్ హిట్ అయ్యింది. ఆ సినిమాలో హీరోయిన్ గా గోవా బ్యూటీ ఇలియానా తెలుగు తెరకు పరిచయం అయ్యింది. ఆ సినిమా హిట్ తో అమ్మడికి పోకిరిలో మహేష్ తో నటించే అవకాశం లభించింది. పోకిరి తర్వాత ఇలియానా కెరియర్ గురించి ప్రత్యేకంగా చెప్పాల్సిన పనిలేదనుకుంటా.. ఇప్పుడు అదే తీరున రామ్ కు రీ ఎంట్రీ లాంటి హిట్ ఇచ్చిన నేను శైలజ కీర్తి సురేష్ కూడా మహేష్ తో చేస్తుందట.

మురుగదాస్ దర్శకత్వంలో సూపర్ స్టార్ మహేష్ తో స్క్రీన్ షేర్ చేసుకునే ఛాన్స్ కొట్టేసిందని అంటున్నారు. ఒకవేళ కీర్తి ఈ ఆఫర్ నిజంగా దక్కించుకుంటే అప్పట్లో ఇలియానా లానే ఈ అమ్మడు కూడా స్టార్ ఇమేజ్ సొంతం చేసుకోవడం ఖాయం. మరి సెంటిమెంట్ ఫాలో అవుతుందా లేదా అన్నది సినిమా రిజల్ట్ వచ్చి అమ్మడు చేజిక్కించుకునే అవకాశాలను బట్టి ఉంటుంది. సో మొత్తానికి ఈ కారణాల చేత ఇలియానా.. కీర్తి సురేష్ సేమ్ టు సేమ్ అనాల్సిందే..!