చిన్న సినిమాల‌పై ప్రేక్ష‌కుల దృష్టి వెళ్ల‌డం చాలా క‌ష్టం. పైగా పెద్ద సినిమాల‌న్నీ గుంపుగా వ‌స్తున్న‌ప్పుడు… ఇంకా క‌ష్టం. టీజ‌ర్‌లోనో, ట్రైల‌ర్‌లోనో, క‌నీసం టైటిల్ లోనో మార్క్ చూపించ‌గ‌ల‌గాలి. అప్పుడే… అటువైపు లుక్కు ప‌డుతుంది. `సెహ‌రి`పై అది ప‌డింది. హ‌ర్ష్ కానుమ‌ల్లి హీరోగా ఎంట్రీ ఇస్తున్న సినిమా ఇది. సాగ‌ర్ ద‌ర్శ‌కుడు. దాదాపుగా అంతా కొత్త‌వాళ్లే. అప్పుడెప్పుడో ఈ సినిమా ఫంక్ష‌న్ కి బాల‌య్య అతిథిగా వెళ్లి.. హంగామా చేశాడు. అది.. సోష‌ల్ మీడియాలో బాగా పాపుల‌ర్ అయ్యింది. ఆ విధంగా `లెహ‌రి` సినిమా గురించి తొలిసారి జ‌నాల‌కు తెలిసింది. ఇప్పుడు ట్రైల‌ర్ వ‌దిలారు.

ఓ కుర్రాడు.. త‌న సోల్ మేట్ కోసం చేసే ప్ర‌యాణం ఈ క‌థ‌. హీరో అల్ల‌రి, చుట్టూ ఉన్న పాత్ర‌లు చేసే ఫ‌న్‌… ఇదంతా చూస్తుంటే, స‌ర‌దాగా సాగిపోయే సినిమా రాబోతోంద‌నిపిస్తోంది. ఈ సినిమాలోని ఒక‌ట్రెండు పాట‌లు హిట్ట‌య్యాయి. ఇద్ద‌రు, ముగ్గురు అమ్మాయిల‌తో గ్లామ‌ర్ ని కూడా బాగానే నింపారు. సో.. ఓ లుక్కే వేయొచ్చ‌న్న భ‌రోసా క‌లిగించింది. ఫిబ్ర‌వ‌రి 11న `లెహ‌రి` విడుద‌ల అవుతోంది. అదే రోజు ర‌వితేజ `ఖిలాడీ` కూడా ప్రేక్ష‌కుల ముందుకు వ‌స్తోంది. ర‌వితేజ‌తో పోటీని త‌ట్టుకోవ‌డమే ఈ సినిమా ముందున్న అతి పెద్ద టాస్క్‌