అక్కినేని అఖిల్ బాలీవుడ్ ఎంట్రీ దాదాపు ఖరారైయింది. బాలీవుడ్ స్టార్ నిర్మాత కరణ్ జోహార్, అఖిల్ తో ఓ పాన్ ఇండియా సినిమా ప్లాన్ చేస్తున్నారు. ప్రస్తుతం ఈ సినిమాకి సంబధించిన ప్రీ ప్రొడక్షన్ పనులు జోరుగా సాగుతున్నాయి. ఈ సినిమాలో అఖిల్ కు జోడిగా జాన్వీ కపూర్ నటించే అవకాశం వుంది. జాన్వీ ఎప్పటినుంచో తెలుగులో నటించాలని అనుకుంటుంది. శ్రీదేవి ఉన్నప్పుడే జాన్వీ టాలీవుడ్ ఎంట్రీ కోసం చర్చలు జరిగాయి. మహేష్ బాబు, ఎన్టీఆర్, అల్లు అర్జున్ .. ఇలా చాలా మంది హీరోల సినిమాల్లో ఆమె పేరుని పరిశీలిస్తున్నట్లు వార్తలు వచ్చాయి. అయితే అప్పుడు కుదరలేదు.
అయితే ఇప్పుడు కరణ్ జోహార్ ఈ జోడిని ఫిక్స్ చేశారని తెలిసింది. ఇటివల బోణీ కపూర్ కూడా హైదరాబాద్ వచ్చినపుడు జాన్వీ టాలీవుడ్ ఎంట్రీ అతి త్వరలో వుంటుందని చెప్పారు. ఇది అఖిల్ సినిమానే అయ్యే అవకాశాలు పుష్కలంగా వున్నాయి. జాన్వీ టాలీవుడ్ ఎంట్రీకి ఒక ప్రత్యేకత వుంది. శ్రీదేవిని అతిలోకరాశి ఆదరించారు తెలుగు ప్రేక్షకులు. ఇప్పుడు ఆమె కుమార్తె వస్తుందంటే శ్రీదేవి అభిమానించే ప్రేక్షకులకు ఆనందమే. అంతేకాదు గతంలో నాగార్జున – శ్రీదేవి కలసి నటించారు. ఇప్పుడు వారి వారసులు స్క్రీన్ పంచుకోవడం కూడా ఒక ప్రత్యేక ఆకర్షణే. ప్రస్తుతం ఏజెంట్ సినిమా చేస్తున్నాడు అఖిల్. ఈ సినిమా పూర్తయిన వెంటనే.. పాన్ ఇండియా సినిమా మొదలౌతుంది.
