గీతా ఆర్ట్స్ 2 చేతిలో ర‌ష్మిక డేట్లు ఉన్నాయి. త‌న‌తో ఓ లేడీ ఓరియెంటెడ్ సినిమా చేద్దామ‌న్న‌ది బ‌న్నీ వాస్ ఆలోచ‌న‌. న‌టుడు రాహుల్ ర‌వీంద్ర‌న్ ద‌ర్శ‌కుడిగా కూడా మారిన సంగ‌తి తెలిసిందే. త‌న తొలి ప్ర‌య‌త్నంలో తీసిన `చిల‌సౌ` మంచి పేరు తీసుకొచ్చింది. ఆ త‌ర‌వాత `మ‌న్మ‌థుడు 2` డిజాస్ట‌ర్ గానిలిచింది. అయినా స‌రే – రాహుల్ కి మంచి ఆఫర్ వ‌చ్చింది. తాను రాసుకున్న ఓ లేడీ ఓరియెంటెడ్ క‌థ‌.. గీతా ఆర్ట్స్ 2 లో ఓకే అయ్యింది. ఆ పాత్రకోసం ముందు స‌మంత‌ని అనుకున్నారు. ఆ త‌ర‌వాత‌… ర‌ష్మిక‌తో సెటిల్ అయ్యారు. స్క్రిప్టు ప‌నులు కూడా మొద‌ల‌య్యాయి. అయితే.. ఇప్పుడు ఈ ప్రాజెక్టు ఆగిపోయిన‌ట్టు స‌మాచారం. కొన్ని ఈక్వేష‌న్స్ కుద‌ర‌క‌పోవ‌డం వ‌ల్ల ర‌ష్మిక సినిమాని గీతా ఆర్ట్స్ 2 ప‌క్కన పెట్టింద‌ని తెలుస్తోంది. అయితే ఈ క‌థ మ‌రో బ్యాన‌ర్‌లో తీస్తారా, లేదంటే క‌థే ప‌క్క‌న పెట్టేశారా? అనేది మాత్రం తెలియాల్సివుంది.