సూపర్ స్టార్ మహేష్ బాబు ‘సర్కారు వారి పాట’లో సాంగ్స్ అన్నీ హిట్లే. లేటెస్ట్ గా వచ్చిన మమ మహేష్ .. పాట కూడా మాస్ ని ఆకట్టుకుంది. ఐతే నిజానికి సినిమాలో మొదట ఈ పాట లేదు. ఈ పాట స్థానంలో ఒక మెలోడీ సాంగ్ చేశాడు తమన్. పాట షూటింగ్ కూడా చేశారు. ఐతే ఫ్లోలో చూస్తే సెట్ కాలేదు. దీంతో మహేష్ బాబు మంచి ఊపు వున్న పాట కావాలని కోరడం, అప్పటికప్పుడు మమ మహేష్ కంపోజ్ చేసి స్పెషల్ గా ఓ భారీ సెట్ ని వేసి షూట్ చేయడం జరిగింది. ఈ విషయాన్ని మహేష్ బాబు కూడా ఒప్పుకున్నారు.
”మొదట ఒక మెలోడీ సాంగ్ చేశాం. ఐతే మూవీ రన్ లో మోలోడీ సాంగ్ సూట్ కాలేదు. సందర్భం ఒక మాస్ సాంగ్ ని కోరుకుంటుదని భావించాం. తమన్ మంచి ట్యూన్ తో వచ్చాడు. అలా మమా మహేష్ సాంగ్ షూట్ చేశాం. పాట వండర్ ఫుల్ గా వచ్చింది. థియేటర్ లో చాలా ఎంజాయ్ చేస్తారు” అని చెప్పుకొచ్చారు మహేష్. గురువారం ఈ సినిమా ప్రేక్షకుల ముందుకు రాబోతుంది.
