”ఎఫ్ 3 సినిమా ‘ఫన్’టాస్టిక్ ప్రీ రిలీజ్ ఈవెంట్ హైదరాబాద్ లోని శిల్పాకళావేదికలో గ్రాండ్ గా జరిగింది. ఈ ఈవెంట్ లో చాలా హైలెట్స్ స్పెషల్ ఎట్రాక్షన్ గా నిలిచాయి. విక్టరీ వెంకటేష్ ఎఫ్ 3లో తన పాత్రని అనుకరిస్తూ రేచీకటి వున్నట్లు వేడుకలో ఎంట్రీ ఇవ్వడంలో ఆకట్టుకుంది. అలాగే ఎఫ్ 2 వెర్సస్ ఎఫ్ 3 టీమ్స్ మధ్య వేదికపై జరిగిన పోటి కూడా అభిమానులని అలరించింది. అలాగే సునీల్ మూకీ యాక్ట్ కూడా అలరించింది.
ఎఫ్ 2 వెర్సస్ ఎఫ్ 3 టీమ్స్ పోటీలో వెంకటేష్ , చిరంజీవి ఇంద్ర డైలాగ్ చెప్పడం, అలాగే వరుణ్ తేజ్ బాలయ్యా డైలాగ్ ని పలకడం ఆకట్టుకుంది. నిర్మాత దిల్ రాజు కూడా నాగార్జున ని అనుకరిస్తూ చేసిన రీల్ కూడా ఆకట్టుకుంది. అనిల్ రావిపూడి గణేష్ డైలాగ్ చెప్పి అదరగొట్టాడు. ఎఫ్ 3లో భారీ తారాగణం వుంది. ఈవెంట్ కూడా సినిమాలోని తారాగణంతోనే కలర్ ఫుల్ గా జరిగింది.
