రౌడీ.. విజ‌య్ దేవ‌ర‌కొండ ని `లైగ‌ర్‌`గా చూపించ‌బోతున్నాడు పూరి జ‌గ‌న్నాథ్. ఈసీజ‌న్‌లో వ‌స్తున్న పెద్ద సినిమా ఇదే. పైగా… `ఇస్మార్ట్ శంకర్‌` త‌ర‌వాత పూరి నుంచి వ‌స్తున్న సినిమా కావ‌డంతో.. `లైగ‌ర్`పై ఫోక‌స్ బాగా ప‌డింది. ఆగ‌స్టు 22న ఈ సినిమా విడుద‌ల కానుంది. ఇప్పుడు ట్రైల‌ర్‌… వ‌చ్చేసింది.

124 సెక‌న్ల ట్రైల‌ర్ ఇది. ఫుల్ యాక్ష‌న్ బొనాంజాగా మార్చేశారు. పూరి మార్క్ డైలాగులు ఏం లేక‌పోయినా… విజువ‌ల్స్‌, యాక్ష‌న్ ఫీట్స్ అదిరిపోయాయి. విజ‌య్ దేవ‌ర‌కొండ మాసీ మేకొవ‌ర్‌… అభిమానుల‌కు థ్రిల్ క‌లిగిస్తుంది. ఈసినిమాలో విజ‌య్‌కి న‌త్తి.. అని ముందు నుంచీ ప్ర‌చారం జ‌రుగుతోంది. ట్రైల‌ర్‌లో అదే చూపించి ఆడియ‌న్స్‌ని ప్రిపేర్ చేసేశాడు పూరి. ఓ సాధార‌ణ కుర్రాడు… బాక్సింగ్ లో ఛాంపియ‌న్ ఎలా అయ్యాడ‌న్న‌దే ఈ క‌థ‌. ట్రైల‌ర్‌లోనూ అదే క‌నిపిస్తోంది. యాక్ష‌న్ ఎపిసోడ్ల‌కు పెద్ద పీట వేశారు. అన్నీ యాక్ష‌న్ క‌ట్టే. అవ‌న్నీ ఇంట‌ర్నేష‌నల్ స్థాయిలో ఉన్నాయ‌న‌డంలో ఎలాంటి సందేహం లేదు. ర‌మ్య‌కృష్ణ పాత్ర ముందు కూడా స‌ర్‌ప్రైజ్ చేసేదే. పూరి సినిమాల్లో అమ్మ పాత్ర‌లు చాలా స్ట్రాంగ్‌గా ఉంటాయి. ఈసినిమాలోనూ ర‌మ్య‌ని అలానే చూపించారు. చివ‌ర్లో మైక్ టైస‌న్ ఎంట్రీ ఇచ్చాడు. ‘ఐ యామ్ ఏ ఫైట‌ర్‌…’ అని విజ‌య్ న‌త్తి న‌త్తిగా డైలాగ్ చెబితే… ‘మ‌రి నేనెవ‌ర్నీ’ అంటూ మైక్ టైస‌న్ కౌబోయ్ గెట‌ప్‌లో ఎంట్రీ ఇచ్చాడు. మొత్తానికి `లైగ‌ర్‌` ట్రైల‌ర్ యాక్ష‌న్ ప్రియుల‌కు ఫుల్ ట్రిట్ అవ్వ‌బోతోంది. విజ‌య్ సినిమా అంటే కాస్త రొమాంటిక్ ట‌చ్ ఆశిస్తారు. దానికీ ఈ సినిమాలో కొద‌వ లేద‌నిపిస్తోంది.