68వ జాతీయ అవార్డుల్లో తెలుగు సినిమాకి నాలుగు అవార్డులు ద‌క్కాయి. ఉత్త‌మ ప్రాంతీయ చిత్రంగా `క‌ల‌ర్ ఫొటో` ఎంపికైంది. ఉత్త‌మ సంగీత ద‌ర్శ‌కుడు (పాట‌లు) పుర‌స్కారం `అల వైకుంఠ‌పుర‌ములో`కి గానూ త‌మ‌న్ కి ద‌క్కింది. చిన్న సినిమాగా విడుద‌లైన `నాట్యం` రెండు అవార్డుల్ని ఎగ‌రేసుకుపోయింది. ఉత్త‌మ కొరియోగ్ర‌ఫీ (సంధ్యారాజు) ఉత్త‌మ మేక‌ప్ విభాగాల్లో ఈ చిత్రానికి అవార్డులు వ‌రించాయి. ఎప్ప‌టిలానే త‌మిళ, మ‌ల‌యాళ చిత్రాలు ఈసారి ఎక్కువ అవార్డుల్ని అందుకొన్నాయి. ఉత్త‌మ న‌టుడిగా సూర్య (సూరారై పోట్రు – తెలుగులో ఆకాశ‌మే నీ హ‌ద్దురా) ద‌క్కించుకొన్నాడు. ఈ అవార్డుని ఈసారి అజయ్ దేవగణ్ (తానాజీ)తో పంచుకోనున్నారు. ఉత్త‌మ న‌టి (అప‌ర్ణ), ఉత్త‌మ చిత్రం అవార్డుల్ని సైతం సూరారై పోట్రు ద‌క్కించుకొంది. మ‌ల‌యాళ చిత్రం అయ్య‌ప్ప‌యునుమ్ కోషియ‌మ్ కీ బాగానే అవార్డులు వ‌చ్చాయి. ఉత్త‌మ స‌హాయ న‌టుడుగా బీజూ మీన‌న్ ఎంపిక‌య్యారు.
జాతీయ అవార్డులు: తెలుగుకి నాలుగు పుర‌స్కారాలు
