చిన్న సినిమాగా విడుద‌లై.. సూప‌ర్ డూప‌ర్ హిట్ట‌యిన సినిమా `డీజే టిల్లు`. సిద్దు జొన్న‌ల‌గ‌డ్డ‌… రేంజ్‌నీ, మార్కెట్ నీ అమాంతం పెంచేసిన సినిమా ఇది. దీనికి సీక్వెల్ కూడా ప‌ట్టాలెక్కేసింది. అయితే ద‌ర్శ‌కుడు మారాడు. డీజే టిల్లుని డైరెక్ట్ చేసిన విమ‌ల్ కృష్ణ ఈ ప్రాజెక్టు నుంచి త‌ప్పుకొన్న సంగ‌తి తెలిసిందే. అప్ప‌టి నుంచీ.. ఈ క‌థ‌ని డీల్ చేయ‌గ‌లిగే ద‌ర్శ‌కుడి కోసం చిత్ర‌బృందం అన్వేషిస్తోంది. ఇప్పుడు ఆ ద‌ర్శ‌కుడు దొరికేశాడు. త‌నే… మ‌ల్లిక్ రామ్.

`అద్భుతం` అనే సినిమాతో ద‌ర్శ‌కుడిగా ప‌రిచ‌యం అయ్యాడు మ‌ల్లిక్‌. తేజా స‌జ్జా క‌థానాయ‌కుడిగా న‌టించిన ఈ చిత్రం… ఓటీటీలో విడుద‌లై, మంచి ఆద‌ర‌ణ పొందింది. ఇప్పుడు `డీజే టిల్లు 2` ద‌ర్శ‌క‌త్వ బాధ్య‌త‌లు ఈ మ‌ల్లిక్‌కే అప్ప‌గించారు. ఈ సినిమాకి సంబంధించిన స్క్రిప్టు వ‌ర్క్ జ‌రుగుతోంది. ఈ డిస్క‌ర్ష‌న్స్‌లో మ‌ల్లిక్ కూడా పాలు పంచుకొంటున్నాడు. సిద్దు జొన్న‌లగడ్డ‌నే ఈ చిత్రానికి క‌థ‌, మాట‌లు అందిస్తున్నాడు.