ర‌వితేజ ఇంటి నుంచి ఓ హీరో వ‌స్తున్నాడు. త‌నే మాధ‌వ్ భూప‌తి రాజు. ర‌వితేజ సోద‌రుడు ర‌ఘు త‌న‌యుడే ఈ మాధ‌వ్. త‌న ఎంట్రీ కోసం చాలా కాలం నుంచి ప్ర‌య‌త్నాలు జ‌రుగుతున్నాయి. ఎన్నో క‌థ‌ల్ని ఒడ‌గ‌ట్టిన త‌ర‌వాత‌… ఓ క‌థకి ఓకే చెప్పాడు. అదే `ఏయ్ పిల్లా`. ఎపిక్ ల‌వ్ స్టోరీ అనేది ఉప‌శీర్షిక ఈ సినిమాతో లుధీర్ బై రెడ్డి ద‌ర్శ‌కుడిగా ప‌రిచ‌యం అవుతున్నారు. ‘సినిమా చూపిస్త మావ‌’, ‘నేను నాన్న బోయ్‌ఫ్రెండ్స్‌’, ‘జ‌వాన్’ చిత్రాల‌కు స‌హాయ‌కుడిగా ప‌నిచేశాడు లుధీర్‌. ఈ చిత్రాన్ని న‌ల్ల‌మ‌ల‌పు బుజ్జి నిర్మిస్తున్నారు. మ‌రో ద‌ర్శ‌కుడు ర‌మేష్ వ‌ర్మ ఈ చిత్రానికి స‌మ‌ర్ప‌కుడిగా వ్య‌వ‌హ‌రిస్తుండ‌డం విశేషం.

మిస్ ఇండియా కాంటెస్ట్‌లో ర‌న్న‌ర‌ప్‌గా నిలిచిన రూబ‌ల్ షికావ‌త్ ఈ సినిమాతో క‌థానాయిక‌గా ఎంట్రీ ఇస్తోంది. ఈ రోజు ఫ‌స్ట్ లుక్ పోస్ట‌ర్‌ని విడుదల చేశారు. పోస్ట‌ర్ చూస్తుంటే, మాధ‌వ్ – రూబ‌ల్ కెమిస్ట్రీ కుదిరిన‌ట్టే క‌నిపిస్తోంది. టెక్నిక‌ల్ టీమ్ సపోర్ట్ కూడా గ‌ట్టిగానే ఉండేలా చూసుకొన్నారు. మిక్కీ జే.మేయ‌ర్, శ్యామ్ కె.నాయుడు, చిన్నా ఈ టీమ్‌లో ఉన్నారు. ప‌ల్లెటూరి నేప‌థ్యంలో సాగే క‌థ ఇది. త్వ‌ర‌లోనే షూటింగ్ మొద‌లెడ‌తారు. ఈ యేడాదే విడుద‌ల‌చేసే ప్ర‌య‌త్నాల్లో ఉన్నారు.