క‌ల్యాణ్ రామ్ – బింబిసార సూప‌ర్ హిట్ చిత్రాల జాబితాలో చేరిపోయింది. త‌క్కువ బ‌డ్జెట్‌లో రూపొందించిన ఈ చిత్రం రెట్టింపు లాభాల్ని సంపాదించి పెట్టింది. ఇప్పుడ అంద‌రి దృష్టీ బింబిసార 2పై ఉంది. అక్టోబ‌రులో ఈ చిత్రాన్ని ప్రారంభిస్తారు. 2023 ఆగ‌స్టులో విడుద‌ల చేయ‌డానికి స‌న్నాహాలు చేస్తున్నారు. బింబిసార‌లో… 5వ శ‌తాబ్ద‌పు హీరో.. 2022లోకి వ‌చ్చేస్తాడు. ఈసారి మాత్రం ముందుకూ, వెనక్కీ ఊగిస‌లాడ‌తాడ‌ని టాక్‌. అంటే కొంచెం భూత కాలంలోనూ, ఇంకొంత వ‌ర్త‌మాన కాలంలోనూ క‌థ న‌డుస్తుంద‌ని తెలుస్తోంది. ఓ ర‌కంగా ఇది బింబిసార‌కు సీక్వెల్ కాద‌ని, ప్రీక్వెల్ అని స‌మాచారం అందుతోంది. బింబిసార 2లో కొత్త పాత్ర‌లు రాబోతున్నాయి. ఇందులో ఓ లేడీ విల‌న్‌ కూడా ఉంద‌ని తెలుస్తోంది. ఈ క‌థ‌లో ఓ రాక్ష‌సి పాత్ర చాలా కీల‌క‌మ‌ని, ఆ పాత్ర‌లో ఓ పేరున్న క‌థానాయిక న‌టించ‌బోతోంద‌ని స‌మాచారం. లేడీ విల‌న్ల‌ని తెలుగు సినిమాల్లో చూసి చాలా కాల‌మైంది. ఆ పాత్ర‌లో పేరున్న క‌థానాయిక న‌టిస్తే… తెర‌పై చూడ్డానికి బాగుంటుంది. బింబిసార హిట్ట‌య్యింది కాబ‌ట్టి, సీక్వెల్‌లో న‌టించ‌డానికి హీరోయిన్లు కూడా ముందుకొస్తారు. బింబిసార 1లో.. హీరోయిన్లు వీక్‌. వాళ్ల క్యారెక్ట‌ర్లూ వీకే. కానీ పార్ట్ 2లో మాత్రం ఆ పాత్ర‌ల్ని బాగా తీర్చిదిద్ద‌బోతున్నార్ట‌. ఈసారి హీరోయిన్ల‌కు ఈ క‌థ‌లో చాలా ప్రాధాన్యం ఉంటుంద‌ని, ఆ విధంగానే స్క్రిప్టు డిజైన్ చేసుకుంటున్నార‌ని తెలుస్తోంది.