దర్శకుడు మదన్‌ అనారోగ్యంతో కన్నుమూశారు. నాలుగు రోజుల క్రితం బ్రెయిన్‌ స్ట్రోక్‌కు గురైన మదన్‌ హైదరాబాద్‌లోని అపోలో ఆసుపత్రిలో చికిత్స పొందుతూ కొద్దిసేపటి క్రితం తుదిశ్వాస విడిచారు. మదన్‌ స్వస్థలం చిత్తూరు జిల్లా మదనపల్లె. ‘ఆ నలుగురు’ చిత్రం రచయితగా మదన్ కు మంచి పేరు తీసుకొచ్చింది. జగపతి బాబు హీరో చేసిన ‘పెళ్లయిన కొత్తలో’ చిత్రంతో దర్శకుడిగా మారారు మదన్. ‘‘గుండె ఝల్లుమంది, ప్రవరాఖ్యుడు, కాఫీ విత్ మై వైఫ్, గరం, గాయత్రి” వంటి చిత్రాలకు దర్శకత్వం వహించారు.