దర్శకుడు ప్రశాంత్ వర్మ, హీరో తేజ సజ్జాల సూపర్ హీరో చిత్రం ‘హను-మాన్’. పాన్ ఇండియా లెవల్ ఈ సినిమాని విడుదల చేయడానికి ప్లాన్ చేస్తున్నారు. ఈ రోజు టీజర్ ని రిలీజ్ చేశారు. భారీ స్థాయిలో టీజర్ ని కట్ చేశారు. ఒక జలపాతం, భారీ హనుమాన్ విగ్రహం.. కట్ చేస్తే.. సముద్రం ఒడ్డున పడివున్న తేజ సజ్జ.. తర్వాత ఒక యాక్షన్ ఎపిసోడ్ తో టీజర్ ఆకట్టుకుంది.
అమృత అయ్యర్ , వినయ్ రాయ్, వరలక్ష్మి శరత్‌కుమార్ లకు కూడా టీజర్ లో చోటు దక్కింది. మ్యూజిక్, ఫోటోగ్రఫీ రిచ్ గా వున్నాయి. తేజాసజ్జా లుక్ కొత్తగా వుంది. దర్శకుడు ప్రశాంత్ వర్మ ఈ సినిమా కోసం ఒక సెపరేట్ యూనివర్స్ ని క్రియేట్ చేసినట్లు టీజర్ చూస్తే అర్ధమౌతుంది. థియేటర్ ఎక్స్పీరియన్స్ ఇచ్చే అన్ని ఎలిమెంట్స్ టీజర్ లో కనిపించాయి. పాన్ ఇండియా స్థాయిలో రిలీజ్ చేయడానికి అనువైన కంటెంట్ హనుమాన్ లో వుందనే భరోసా ఇచ్చింది టీజర్. ప్రస్తుతం సినిమా పోస్ట్ ప్రొడక్షన్ దశలో వుంది. త్వరలోనే విడుదల తేదిని ప్రకటిస్తారు.
