పవన్‌కల్యాణ్‌ – హరీశ్‌ శంకర్‌ కాంబినేషన్ లోసినిమా రానున్న సంగతి తెలిసిందే. ఈ చిత్రానికి ‘భవదీయుడు భగత్‌సింగ్‌’ అంటూ ఇప్పటికే టైటిల్‌తో పాటు, పోస్టర్‌ను కూడా విడుదల చేశారు. అయితే ఈ మూవీ టైటిల్‌ను మార్పు చేస్తున్నట్లు నిర్మాణ మైత్రీ మూవీ మేకర్స్‌ ప్రకటించింది. దీనికి ‘ఉస్తాద్‌ భగత్‌సింగ్‌’ అంటూ కొత్త టైటిల్‌, పోస్టర్‌ను విడుదల చేశారు. ‘మనల్ని ఎవడ్రా ఆపేది’ అన్నది ట్యాగ్‌ లైన్‌
తాజా చిత్రానికి దేవిశ్రీ ప్రసాద్‌ సంగీతం అందిస్తుండగా, అయాంక్‌ బోస్‌ సినిమాటోగ్రాఫర్‌. త్వరలోనే ఈ సినిమా చిత్రీకరణ మొదలు కానున్నట్లు చిత్ర బృందం వెల్లడించింది. పవన్‌కల్యాణ్‌ – హరీశ్‌ శంకర్‌ కాంబినేషన్ లో వచ్చిన గబ్బర్ సింగ్ బ్లాక్ బస్టర్ విజయాన్ని అందుకుంది. దీంతో ఈ కాంబినేషన్ పై భారీ అంచనాలు వున్నాయి. మరోవైపు పవన్ కళ్యాణ్ ‘హరిహర వీర మల్లు’ సినిమాతో బిజీగా వున్నారు. ఇటివలే సుజిత్ తో సినిమా కూడా ప్రకటన వచ్చింది. డీవీవీ దానయ్య ఈ చిత్రాన్ని నిర్మిస్తున్నారు.
