ఆర్‌.ఆర్‌.ఆర్‌కి అంద‌రూ అభిమానులే! చివ‌రికి దిగ్గ‌జ ద‌ర్శ‌కుడు జేమ్స్ కెమ‌రూన్ సైతం ఆర్.ఆర్‌.ఆర్ కి ఫిదా అయిపోయాడు. ఈ సినిమాని ఇప్ప‌టికి రెండు సార్లు చూశాడ‌ట‌. రెండోసారి త‌న భార్య‌తో క‌లిసి ఈ సినిమాని జేమ్స్ కెమ‌రూన్ తిల‌కించాడ‌ట‌. ఈ విష‌యాన్ని రాజ‌మౌళి ట్విట్ట‌ర్ వేదిక‌గా ప్ర‌క‌టించారు. గోల్డెన్ గ్లోబ్ అవార్డు ప్ర‌దానోత్స‌వ కార్య‌క్ర‌మంలో జేమ్స్ కెమ‌రూన్‌, రాజ‌మౌళి క‌లుసుకొన్నారు. దీనికి సంబంధించిన ఫొటోని రాజ‌మౌళి ఇది వ‌ర‌కే ట్వీట్ చేశాడు. ఇప్పుడు జేమ్స్ సంగ‌తుల్ని మ‌రోసారి పంచుకొన్నాడు. త‌న ఆర్‌.ఆర్‌.ఆర్‌.. జేమ్స్ కెమ‌రూన్‌కి న‌చ్చ‌డం ఆనందంగా ఉంద‌ని, జేమ్స్ కెమ‌రూన్ త‌న‌ భార్య సుజీతో క‌లిసి మ‌రోసారి ఈ సినిమా చూశార‌ని, ప‌ది నిమిషాలు త‌న సినిమా గురించి త‌న ఆరాధ్య ద‌ర్శ‌కుడు ఎన‌లైజ్ చేయ‌డం అత్యంత సంతోషాన్ని కలిగించింద‌ని, ఆ స‌మ‌యంలో త‌న సంతోషానికి అవ‌ధుల్లేవ‌ని, ప్ర‌పంచ శిఖ‌రాగ్రాన నిల‌బ‌డిన‌ట్టు అనిపించింద‌ని రాజ‌మౌళి ట్విట్ట‌ర్ ద్వారా త‌న ఆనందాన్ని పంచుకొన్నారు. ఈ సంద‌ర్భంగా జేమ్స్ కెమ‌రూన్‌కీ, ఆయ‌న భార్య సుజీకీ ఆయ‌న కృత‌జ్ఞ‌త‌లు తెలియ‌జేశారు. గోల్డెన్ గ్లోబ్ అవార్డు గెలుచుకొన్న ఆర్‌.ఆర్.ఆర్ ఇప్పుడు ఆస్కార్ బ‌రిలోనూ నిల‌బ‌డిన సంగ‌తి తెలిసిందే. ప‌లు విభాగాల్లో ఆర్‌.ఆర్‌.ఆర్‌.. పోటీ ప‌డుతోంది. ముఖ్యంగా బెస్ట్ వ‌ర్జిన‌ల్ సాంగ్ విభాగంలో నాటు నాటు పాట‌.. మిగిలిన చిత్రాల‌కు గ‌ట్టి పోటీ ఇవ్వ‌బోతోంది.