వాల్తేరు వీరయ్య సక్సెస్ వేడుకలో రామ్ చరణ్ పాల్గోవడం మెగా ఫ్యాన్స్ కి ఉత్సాహాన్ని ఇచ్చింది. వరంగల్ లో జరిగిన వేడుకలో ఫ్యాన్స్ ఉత్సాహపరుస్తూ మాట్లాడారు చరణ్. ‘’ నేను ఇక్కడి ఒక అభిమానిగా వచ్చాను. ఈ సినిమా చూసి ఎంత ఎంజాయ్ చేశానో మీతో పంచుకోవడానికి ఇక్కడి వచ్చాను’’ అన్నారు. ‘’వాల్తేరు వీరయ్య చూశాను. బాబీ ఇరగదీశాడు. ప్రతి ఫ్రేం ప్రేమతో నింపేశాడు. చిరంజీవి గారు మా నాన్న గారి లేరు.. మా బ్రదర్ లా వున్నారు. రవితేజ గారి ఒక డీప్ సీరియస్ క్యారెక్టర్ చేయించి దానిని కూడా మేము ఎంజాయ్ చేసేలా చేశాడు బాబీ. నిజంగా పూనకాలు లోడింగ్. నాతో పాటు అభిమానులందరికీ వాల్తేరు వీరయ్య గుర్తుండిపోయే చిత్రం.’’ అన్నారు.
ఇదే సందర్భంలో మరో ఆసక్తికరమైన కామెంట్ చేశారు. ఈ మధ్య చిరంజీవి అతి మంచితనం గురించి చర్చ జరుగుతున్న సంగతి తెలిసిందే. కొందరు ఎన్ని విమర్శలు చేసిన ఆయన చాలా నెమ్మదిగా సర్దుకుపోతున్నారని, కనీస ప్రతివిమర్శ చేయడం లేదని అభిప్రాయాలు వ్యక్తమౌతున్నాయి. ఇదే టాపిక్ ని చరణ్ ప్రస్థావించాడు. ‘’చిరంజీవి గారు చాలా సౌమ్యులు అని అంటారు. ఆయన బిగించి మాట్లాడితే ఏమౌతుందో చాలా మందికి తెలీదేమో. వాళ్ళందరికి చిరంజీవి గారు నెమ్మదిగా సౌమ్యంగా వుంటారేమో గానీ మేము కాదు. నెమ్మదిగానే చెబుతున్నాం మేము నెమ్మదిగా ఉండం’’ అని స్వీట్ కామెంట్ వదిలారు చరణ్.
