రంగ‌మ‌ర్తాండ కంటే ముందే… ‘అన్నం’ అనే ఓ సినిమా ప్ర‌క‌టించాడు కృష్ణ‌వంశీ. ఫుడ్ మాఫియా నేప‌థ్యంలో సాగే క‌థ ఇది. ఓ పెద్ద హీరోతోనే చేయాల‌న్న‌ది కృష్ణ‌వంశీ ఆలోచ‌న‌. కానీ… ఇప్పుడున్న ప‌రిస్థితుల్లో పెద్ద హీరోలు కృష్ణ‌వంశీకి అవ‌కాశం ఇవ్వ‌డం క‌ష్ట‌మే. అందుకే.. ‘అన్నం’ సెట్స్‌పైకి వెళ్లలేక‌పోయింది. అయితే ఇప్పుడు ఈ ప్రాజెక్టుపై కొత్త ఆశ‌లు చిగురిస్తున్నాయి. ఈ సినిమా చేయ‌డానికి మైత్రీ మూవీస్ సంస్థ సిద్దంగా ఉంద‌ని టాక్‌. ప్ర‌స్తుతం కృష్ణ‌వంశీతో ఈ ప్రాజెక్ట్ పై చ‌ర్చిస్తున్నార్ట‌. కృష్ణ‌వంశీ ‘రంగ‌మార్తాండ‌’ మైత్రీ మూవీస్ ద్వారానే విడుద‌ల అవుతున్న సంగ‌తి తెలిసిందే. ఈ సినిమా చూసిన మైత్రీ మేక‌ర్స్‌..వారికి అన్ని విధాలా సంతృప్తి ఇవ్వ‌డంతో విడుద‌ల చేయ‌డానికి ముందుకొచ్చారు. ఈ చ‌ర్చ‌ల్లో భాగంగానే కృష్ణ వంశీ – మైత్రీ మ‌ధ్య ‘అన్నం’ ప్రాజెక్టుకి సంబంధించిన డిస్క‌ర్ష‌న్ వ‌చ్చింద‌ని, కాన్సెప్ట్ పై న‌మ్మ‌కం క‌ల‌గ‌డంతో ఈ సినిమా చేయ‌డానికి మైత్రీ రెడీ అవుతోంద‌ని టాక్. ఇలాంటి క‌థ చెప్పాలంటే ఓ పెద్ద హీరో కావాల‌న్న‌ది కృష్ణ‌వంశీ మాట‌. మైత్రీ త‌ల‌చుకొంటే ఇప్పుడు పెద్ద హీరోలకు కొర‌త ఉండ‌దు. సో.. ‘అన్నం’ ప్రాజెక్ట్ ఆన్ అయిన‌ట్టే.