అంద‌రి క‌ళ్లూ ఇప్పుడు ప్ర‌భాస్‌పైనే. భారీ బ‌డ్జెట్‌, సూప‌ర్ హీరో, ఫాంట‌సీ, సైన్స్ ఫిక్ష‌న్‌… క‌థ ఏదైనా స‌రే, ప్ర‌భాస్ కావాల్సిందే. ప్ర‌భాస్ చేతిలో ఇప్పుడు దాదాపుగా అర‌డ‌జ‌ను ప్రాజెక్టులు ఉన్నాయి. అయినా స‌రే.. మ‌రో కొత్త ద‌ర్శ‌కుడు, కొత్త క‌థ రెడీ అయిపోతున్నాయి. తాజాగా ప్ర‌భాస్ కోసం హ‌ను రాఘ‌వ‌పూడి.. ఓ అంద‌మైన ప్రేమ‌క‌థ త‌యారు చేసిన‌ట్టు స‌మాచారం. సీతారామంతో ఓ సూప‌ర్ హిట్టు కొట్టాడు హ‌ను. ఆ త‌ర‌వాత.. మ‌రో క‌థ సిద్థం చేశాడు. ఈ క‌థ‌ని ఓ పెద్ద సెట‌ప్ లో చెప్పాల‌నుకొంటున్నాడు. అందుకోసం ప్ర‌భాస్‌ని సంప్ర‌దించిన‌ట్టు స‌మాచారం.
ప్ర‌భాస్ ఓ ప్రేమ‌క‌థ చేసి చాలా కాల‌మైంది. రాధే శ్యామ్ ల‌వ్ స్టోరీనే. కాక‌పోతే… అందులో ఓ ఫాంట‌సీ వ‌ర‌ల్డ్ ఉంటుంది. స్వ‌చ్ఛమైన ప్రేమ‌క‌థ‌ల‌కు హ‌ను రాఘ‌వ‌పూడి కేరాఫ్ అడ్ర‌స్‌. త‌న సినిమాలు కొన్ని ఫ్లాప్ అయినా.. అందులో ల‌వ్ స్టోరీలు మాత్రం అద్భుతంగా క్రియేట్ చేయ‌గ‌లిగాడు. ప్ర‌భాస్ కూడా ఈమ‌ధ్య యాక్ష‌న్ సినిమాలు చేసీ చేసీ అలసిపోయాడు. వీటి మ‌ధ్య ఓ కూల్ ల‌వ్ స్టోరీ చేయాల‌ని భావిస్తున్నాడు. అందుకే హ‌నుకి ఓ ఛాన్స్ ఇస్తున్నాడ‌ని తెలుస్తోంది. అయితే.. ఇప్ప‌టికిప్పుడు ఈ ప్రాజెక్ట్ సెట్ అయ్యే అవ‌కాశాలు లేవు. దానికి కొంత స‌మ‌యం ప‌డుతుంది. ఈలోగా.. హ‌ను మ‌రో సినిమా పూర్తి చేసే అవ‌కాశాలు ఉన్నాయి. ఎప్పుడొచ్చినా ఈ కాంబో అటు అభిమానుల్లోనూ, ఇటు ట్రేడ్ వ‌ర్గాల్లోనూ ఆస‌క్తి రేప‌డం ఖాయం.
