వాల్తేరు వీర‌య్య‌తో ఓ సూప‌ర్ హిట్ త‌న ఖాతాలో వేసుకొన్నాడు ద‌ర్శ‌కుడు బాబి. త‌న త‌దుప‌రి సినిమా ఏమిట‌న్న విష‌యంలో చాలా వార్త‌లొస్తున్నాయి. త‌మిళ సూప‌ర్ స్టార్ ర‌జ‌నీకాంత్ కి బాబి క‌థ చెప్పాడ‌ని, ఆల్మోస్ట్ ఆ సినిమానే ఫిక్స‌న్న‌ట్టు వార్త‌లొస్తున్నాయి. అయితే..ర‌జ‌నీతో సినిమా అంటే ఇప్ప‌ట్లో అయ్యే ప‌ని కాదు. దానికి చాలా టైమ్ ప‌డుతుంది. మ‌రోవైపు రామ్ చ‌ర‌ణ్ కోసం ఓ క‌థ సిద్దం చేశాడ‌ని కూడా చెప్పుకొన్నారు. అయితే.. ఇప్ప‌ట్లో ఆ సినిమా కూడా సాధ్యం కాదు. ప్ర‌స్తుతానికైతే.. బాబి, బాల‌య్య కాంబో ఫిక్స్ అన్న‌ది ఇన్ సైడ్ వ‌ర్గాల మాట‌.

బాల‌య్య‌కు బాబి ఓ క‌థ వినిపించ‌డం, ఆయ‌న ఓకే చేయ‌డం జ‌రిగిపోయాయి. బాబి చేసే త‌దుప‌రి సినిమా బాల‌య్య‌తోనే. బాల‌య్య ప్ర‌స్తుతం అనిల్ రావిపూడి సినిమాతో బిజీగా ఉన్నాడు. ఆ వెంట‌నే బోయ‌పాటి సినిమా మొద‌ల‌వుతుంది. బోయ‌పాటి సినిమాతో పాటుగా స‌మాంత‌రంగా బాబి సినిమానీ మొద‌లెట్టే అవ‌కాశాలు ఉన్నాయి. బాబి ప్ర‌స్తుతం స్క్రిప్టు ప‌నుల్లో బిజీగా ఉన్నాడు. ఈ కాంబోకి సంబంధించిన వివ‌రాలు త్వ‌ర‌లోనే వెల్ల‌డ‌వుతాయి.