కిరణ్ అబ్బవరం మంచి టైమింగ్ వున్న నటుడే. అయితే గత కొన్ని చిత్రాలలో ఆయన ఎంచుకున్న కథలు రాంగ్ టైమింగ్ అనిపించాయి. ఒకేసారి వంద స్పీడ్ లో వెళ్ళాలనుకున్న మాస్ మీటర్ ట్రాక్ తప్పింది. అయితే ఇప్పుడు రూల్స్ రంజన్ తో మళ్ళీ తనకు అలవాటైన ట్రాక్ లోకి వస్తున్నాడనిపిస్తోంది. కిరణ్ అబ్బవరం, నేహా శెట్టి జంటగా నటిస్తున్న చిత్రమిది.
తాజాగా’నాలో నేనే లేను’ అనే పాట బయటికివచ్చింది. కిరణ్ కి ఇమేజ్ కి సరిపోయే కథని ఈ పాట చూస్తే అర్ధమౌతుంది. కిరణ్ అబ్బవరం, నేహా శెట్టి జోడీ బావుంది. ట్యూన్, లిరిక్స్ క్యాచిగా వున్నాయి. ఈ మధ్య తన ఇమేజ్, కంఫర్ట్ జోన్ దాటి కొన్ని సినిమాలు చేశాడు. రూల్స్ రంజన్ మాత్రం కిరణ్ ఇమేజ్ కి తగ్గ కంటెంట్ అనిపిస్తోంది. ఇప్పుడు కిరణ్ కి మంచి విజయం కావాలి. ఆ విజయం రూల్స్ రంజన్ తో వస్తుందేమో చూడాలి.
