లావణ్య త్రిపాఠికి విజయాలు వున్నాయి. అయితే అవి కొనసాగించడంలో ఇబ్బంది ఎదురైయింది. తొలిసినిమా ‘అందాల రాక్షసి’తోనే మంచి నటిగా గుర్తుంపు తెచ్చుకుంది. తర్వాత నాని భలే భలే మగాడివోయ్ లాంటి విజయం ఆమె ఖాతాలో చేరింది. మధ్యలో కొన్ని సినిమాలు నిరాశ పరిచినప్పటికీ ‘సోగ్గ్గాడే చిన్నినాయిన’ తో మళ్ళీ ట్రాక్ వచ్చినప్పటికీ రావాల్సిన అవకాశాలు మాత్రం రాలేదు.
చాలా ఆశలు పెట్టుకున్న ‘హ్యాపీ బర్త్ డే’ సినిమా ఆశించిన ఫలితాన్ని ఇవ్వలేదు. ఇందులో టైటిల్ రోల్ లో చేసింది లావణ్య. అయితే ఇప్పుడు ‘పులి మేక’ వెబ్ సిరిస్ తో మళ్ళీ ట్రాక్ లోకి వచ్చింది. ఈ సిరిస్ కి మంచి రెస్పాన్స్ వచ్చింది. దీంతో అటు వెబ్ ఇటు సినిమాల్లో మళ్ళీ అవకాశాలు వస్తున్నాయి. ప్రముఖ ఓటీటీ హాట్ స్టార్ లావణ్యతో ఒక సినిమా చేస్తోంది. ఇది నేరుగా వెబ్ మూవీ. స్కై లాబ్ ఫేం విశ్వక్ దర్శకుడు. దీంతో పాటు మరో పెద్ద హీరో సినిమా కూడా చర్చలో వుందని తెలుస్తోంది.
