గోపీచంద్ క‌థానాయ‌కుడిగా ఓ చిత్రం రూపుదిద్దుకొంటోంది. హ‌ర్ష ద‌ర్శ‌కుడు. రాధామోహ‌న్ నిర్మాత‌. ఈ చిత్రానికి ‘భీమా’ అనే టైటిల్ ఫిక్స్ చేశారు. ఈరోజు గోపీచంద్ పుట్టిన రోజు. ఈ సంద‌ర్భంగా ఫ‌స్ట్ లుక్ పోస్ట‌ర్ కూడా ఆవిష్క‌రించారు. ర‌గ్గ‌డ్ లుక్‌లో.. ఖాకీ యూనిఫామ్ తో ఎంట్రీ ఇచ్చాడు గోపీచంద్‌. క‌ళ్ల‌ల్లో.. కోపం, క‌సి క‌నిపిస్తున్నాయి. హర్ష‌కు ఇదే తొలి తెలుగు చిత్రం. క‌న్న‌డ‌లో కొన్ని సూప‌ర్ హిట్లు కొట్టాడు. కేజీఎఫ్ ఫేమ్ ర‌వి బస్రూర్ ఈ చిత్రానికి సంగీతాన్ని అందిస్తున్నారు. క‌థానాయిక‌, ఇతర వివ‌రాలు చిత్ర‌బృందం త్వ‌ర‌లో ప్ర‌క‌టించ‌బోతోంది. గోపీచంద్ ఇది వ‌ర‌కు కూడా కొన్ని పోలీస్ పాత్ర‌లు చేశాడు. అయితే `భీమా` వాట‌న్నింటికీ భిన్నంగా ఉంటుంద‌ని టాక్‌. యాక్ష‌న్ స‌న్నివేశాల‌కు పెద్ద పీట వేశారు. రామోజీ ఫిల్మ్ సిటీలో కొన్ని కీల‌క స‌న్నివేశాల్ని తెర‌కెక్కించారు. కొత్త షెడ్యూల్ వివ‌రాలు త్వ‌ర‌లో వెల్ల‌డిస్తారు. ఇటీవ‌ల ‘రామ‌బాణం’తో గోపీచంద్ ప్రేక్ష‌కుల్ని ప‌ల‌క‌రించిన సంగ‌తి తెలిసిందే. కంప్లీట్ ఫ్యామిలీ ఎంట‌ర్‌టైన‌ర్‌గా రూపొందించిన ఆ చిత్రం ప్రేక్ష‌కుల్ని మెప్పించ‌డంలో విఫ‌లం అయ్యింది.