సెప్టెంబ‌రు 15న రావాల్సిన స్కంధ‌… నెలాఖ‌రుకి వాయిదా ప‌డ‌డంతో.. ఈవారం బాక్సాఫీసు అనూహ్యంగా ఖాళీ అయిపోయింది. ఒక‌ట్రెండు సినిమాలు మిన‌హా.. పెద్ద‌గా ఆక‌ర్షించే విష‌యాలేం లేవు. విశాల్ మార్క్ ఆంటోనీ, ర‌వితేజ నిర్మాత‌గా తెర‌కెక్కించిన ఛాంగురే బంగారు రాజా.. రెండు సినిమాలు బాక్సాఫీసు బ‌రిలో నిలిచాయి. ఛాంగురే.. వ‌చ్చే నెల‌లో రావాల్సింది. స్కంద వాయిదా ప‌డ‌డంతో.. ముందుకొచ్చేసింది. విశాల్.. రిలీజ్‌డేట్ ముందే ఫిక్స‌య్యింది. సోమ‌వారం వినాయ‌క చ‌వితి. ఈ పండ‌గ‌ను… విశాల్ సినిమా క్యాష్ చేసుకొనే అవ‌కాశం ఉంది. గ‌త‌వారం విడుద‌లైన మిస్ శెట్టి- మిసెస్ పోలిశెట్టికి ఈ వారం కూడా క‌లిసొచ్చే ఛాన్స్ ఉంది. ముఖ్యంగా `ప‌ఠాన్‌`కి మ‌రో వీకెండ్ దొరికిన‌ట్టైంది. తెలుగు రాష్ట్రాల‌లో ప‌ఠాన్‌కి మంచి వ‌సూళ్లే దక్కుతున్నాయి. చాలా ఏరియాల్లో అనుష్క సినిమా కంటే.. ప‌ఠాన్‌కే ఎక్కువ టికెట్లు తెగుతున్నాయి. ఈ వారం కూడా అదే జోరు కొన‌సాగే అవ‌కాశాలు ఉన్నాయి.