మారుతి ద‌ర్శ‌క‌త్వంలో మెగాస్టార్ చిరంజీవి న‌టిస్తున్నాడ‌న్న వార్త‌లు చాలా రోజుల క్రిత‌మే సంద‌డి చేశాయి. మారుతి కూడా చిరు కోసం ఓ క‌థ రెడీ చేశాడు. అయితే.. ఎంత స‌డ‌న్ గా ఆ ప్రాజెక్టు బ‌య‌ట‌కు వ‌చ్చిందో, అంతే స‌డ‌న్ గా బ్రేకులు ప‌డిపోయాయి. చిరు మిగిలిన ప్రాజెక్టుల్లో బిజీ అయిపోవ‌డం వ‌ల్ల మారుతి సినిమాని ప‌ట్టించుకోలేదు. అదే స‌మ‌యంలో మారుతికి ప్ర‌భాస్ తో సినిమా చేసే ఆఫ‌ర్ వ‌చ్చింది. కాబ‌ట్టి.. మారుతి అటు వెళ్లిపోయాడు. దాంతో.. మెగా – మారుతి కాంబో లేద‌నుకొన్నారంతా.
అయితే స‌డ‌న్‌గా.. ఈ ప్రాజెక్టు `ఆన్`లోకి వ‌చ్చింది. ప్ర‌భాస్ తో సినిమా పూర్త‌యిన వెంట‌నే.. చిరు సినిమాని ప‌ట్టాలెక్కించ‌బోతున్నాడు మారుతి. ఈ మేర‌కు చిరు నుంచి కూడా గ్రీన్ సిగ్న‌ల్ వ‌చ్చిన‌ట్టు తెలుస్తోంది. చిరు ప్ర‌స్తుతం వ‌శిష్ట ద‌ర్శ‌క‌త్వంలో ఓ సినిమా చేస్తున్నాడు. క‌ల్యాణ్ కృష్ణ సినిమా డైలామాలో ప‌డింది. క‌ల్యాణ్ కృష్ణ సినిమా ఉన్నా, లేకున్నా 2024లో మారుతి సినిమాని సెట్స్‌పైకి తీసుకెళ్లాల‌ని చిరు భావిస్తున్నాడ‌ని స‌మాచారం. 2024లోనే ఈ సినిమాని పూర్తి చేసి, 2025 సంక్రాంతి బ‌రిలో నిలిపే అవ‌కాశాలు ఉన్నాయి.
