ఎన్టీఆర్ – కొర‌టాల శివ కాంబోలో రూపుదిద్దుకొంటున్న చిత్రం.. దేవ‌ర‌. 2024 వేస‌వికి రాబోతోంది. ప్ర‌స్తుతం షూటింగ్ శ‌ర‌వేగంగా సాగుతోంది.చిన్న చిన్న గ్యాప్‌లు త‌ప్ప‌… ఎక్క‌డా బ్రేకుల్లేవు. త్వ‌ర‌లోనే గోవాలో ఓ భారీ యాక్ష‌న్ సీక్వెన్స్‌కి ప్లాన్ చేశారు. ప‌ది రోజుల పాటు సాగే ఈ షెడ్యూల్ లో ఓ ఫైట్ తెర‌కెక్కిస్తారు. దేవ‌ర‌లో యాక్ష‌న్ బ్లాక్స్ కి ఎక్క‌వ ప్రాధాన్యం ఉంది. ఇప్ప‌టికే హైద‌రాబాద్ లో ఓ ఫైట్ తీశారు. నిజానికి ఈ షెడ్యూల్ గోక‌ర్ణ‌లో ప్లాన్ చేశారు. చివ‌రి క్ష‌ణంలో.. గోవాకి షిఫ్ట్ అయ్యింది. శ్రీ‌దేవి కూతురు జాన్వీ క‌పూర్ ఈ సినిమాతో తెలుగులో ఎంట్రీ ఇస్తున్న సంగ‌తి తెలిసిందే. కొర‌టాల శివ సినిమాలో హీరో పాత్ర‌తో పాటుగా.. హీరోయిన్‌పాత్ర‌ల‌కూ చాలా ప్రాధాన్యం ఉంటుంది. ఈ సినిమాలో జాన్వీని ఎలా చూపించ‌బోతున్నార‌న్న ఆస‌క్తి నెల‌కొంది. ఈ సినిమా కోసం జాన్వీ తెలుగు నేర్చుకొంటోంది. ప్ర‌త్యేకంగా ఓ ట్యూట‌ర్‌ని నియ‌మించుకొంది. అనిరుథ్ సంగీతాన్ని అందిస్తున్నాడు.