నాగార్జున ‘నా సామిరంగ’ కూడా సంక్రాంతి రేసులో దిగుతోంది. జనవరి 14న సినిమాని విడుదల చేస్తున్నట్లు మేకర్స్ అనౌన్స్ చేశారు. దీనితో పాటు ఒక పాట కూడా వదిలారు. టైటిల్ ట్రాక్ ఇది. నాసామి రంగ ఆల్బమ్ కు ఒక ప్రత్యేకత వుంది. ఆస్కార్ విజేతలు.. కీరవాణి, చంద్రబోస్ కలసి చేస్తున్న పని చేస్తున్న ఆల్బమ్ ఇది.
హీరో ఇంట్రో సాంగ్ లు ఇవ్వడంతో ఎం.ఎం. కీరవాణి దిట్ట. చంద్రబోస్ లిరిక్స్ గురించి చెప్పాల్సినపని లేదు. నా సామిరంగ ట్రాక్ కూడా మాస్ ని ఆకట్టుకునేలా వుంది. కీరవాణి ఇచ్చిన ట్యూన్ సింపుల్, క్యాచి గా వుంది. లిరిక్స్ లో కూడా అందరూ సహజంగా వాడుకునే పదాలే వినిపించాయి.
‘మా జోలికొస్తే.. మాకడ్డు వస్తే.. మామూలుగా వుండదు.. నా సామిరంగ..
ఈ గీత తొక్కితే.. మా సేత సిక్కితే.. మాములుగా వుండదు.. నా సామిరంగ..’ ఇలా సింపుల్ మాటలతో హీరోయిజాన్ని ఎలివేట్ చేశారు చంద్రబోస్. పాటలో మాస్ కళ కనిపించింది. మంచి హుషారు కూడా వుంది. ఇక పండగ మొదలైపొయిందనే ఆనందం నా సామిరంగ టీంలో కనిపించింది.
