ఓటీటీ వైపు అడుగు వేసిన యువ హీరోల్లో నాగ‌చైత‌న్య పేరు కూడా ఉంటుంది. విక్ర‌మ్ కె.కుమార్‌తో క‌లిసి `దూత‌` అనే వెబ్ సిరీస్ చేశాడు చైతూ. ఆ సిరీస్ మంచి హిట్ అయ్యింది. అటు చైతూకి, ఇటు విక్ర‌మ్‌కీ మంచి పేరు తీసుకొచ్చింది. అమేజాన్ ప్రైమ్ ప్రొడెక్ట్ ఇది. ఆ సంస్థ స్థాయికి త‌గిన‌ట్టే క్వాలిటీగా సాగింది. ఇప్పుడు సీజ‌న్‌కు సిద్ధ‌మ‌వుతోంది. దాదాపుగా ప్ర‌తీ హిట్ సిరీస్‌కూ.. పార్ట్ 2 ఉంటుంది. `దూత‌` క్లైమాక్స్ లో కూడా పార్ట్ 2 కి లీడ్ ఇచ్చారు. అప్పుడు ‘దూత 2’ ఉంద‌ని ఫిక్స‌యిపోయారు ఓటీటీ ప్రేక్ష‌కులు. ఇప్పుడు మేక‌ర్స్ కూడా ఈ విష‌యంలో క్లారిటీ ఇవ్వ‌బోతున్నారు. రేపు అంటే… సోమ‌వారం అమేజాన్ ప్రైమ్ నుంచి ఓ కొత్త అప్‌డేట్ రాబోతోంది. ఈ విష‌యం ఓ టీజింగ్ వీడియోతో చెప్పేశాడు చైతూ. ‘దూత’ జ‌ర్న‌లిజం నేప‌థ్యంలో సాగే క‌థ‌. దాంట్లో సూప‌ర్ నేచుర‌ల్ ఎలిమెంట్‌ని బాగా మిక్స్ చేశారు. సీజ‌న్ 1లో చైతూ క్యారెక్ట‌ర్ ని గ్రే షేడ్స్‌లో చూపించారు. ఆ పాత్ర సీజ‌న్ 2లో పూర్తి పాజిటీవ్‌గా మారే అవ‌కాశాలు క‌నిపిస్తున్నాయి. ‘దూత 2’కి సంబంధించిన షూటింగ్ కూడా దాదాపుగా పూర్త‌యిన‌ట్టు టాక్‌. మ‌రి.. రేప‌టి అప్ డేట్ లో ఇంకా కొత్త‌గా ఏమైనా చెబుతారేమో చూడాలి.