నాగచైతన్య ‘తండేల్’ సినిమాపై బోలెడు ఆశలు పెట్టుకున్నారు. కార్తికేయ2 తర్వాత చందూ మొండేటి నుంచి వస్తున్న సినిమా ఇది. బన్నీ వాస్‌ నిర్మాత. సాయిపల్లవి కథానాయిక. అల్లు అరవింద్‌ సమర్పిస్తున్నారు. ప్రస్తుతం ఈ సినిమా చిత్రీకరణ శరవేగంగా జరుగుతోంది. ఇప్పటికే విడుదలైన గ్లింప్స్ కు మంచి రెస్పాన్స్ వచ్చింది. ఇప్పుడీ సినిమా డిజిటిల్ బిజినెస్ క్లోజ్ అయ్యింది. ప్రముఖ ఓటీటీ ప్లాట్‌ఫారమ్ నెట్‌ఫ్లిక్స్ అన్ని దక్షిణ, హిందీ భాషలతో కలిపి ఈ సినిమా డిజిటల్ హక్కులను రూ. 40 కోట్లకు సొంతం చేసుకుంది. నాగ చైతన్యకు ఇదే హయ్యస్ట్ డిజిటల్ డీల్. దేశభక్తి అంశాలతో నిండిన రా రస్టిక్‌ ప్రేమకథతో ఈ చిత్రం తెరకెక్కుతోంది. చైతన్య ఇందులో రాజు అనే మత్స్యకారుడిగా కనిపించనున్నారు. ఈ సినిమాకి సంగీతం దేవిశ్రీ ప్రసాద్‌.
తండేల్ @ రూ.40 కోట్లు
